DIPESALEME 12

₂Morena, thusa;

gonne ga go tlhole

go na le yo o boifang Modimo,

mme ba ba ikanyegang

ba fedile mo baneng ba batho.

₃Ba bua maaka mongwe le yo

mongwe,

ba bua ka melomo e e borethe

le bopelopedi.

₄A Morena a nyeletse

melomo yotlhe e e borethe,

le loleme lo lo buang

dilo tsa boikgodiso;

₅bona ba ba reng:

“Re thata ka diteme tsa rona,

re na le melomo ya rona;

mmusi yo o re laolang ke mang?”

₆Mme Morena a re:

“Jaanong ke tla tsogela pogiso

ya batlalelwi

le phegelo ya batlhoki,

ke thusa ene yo o lelelang thuso.”

₇Mafoko a Morena

ke mafoko a a phepa,

ke selefera e e itshekisitsweng

mo leubelong

e e tshologelang fa fatshe,

e itshekisitswe gasupa.

₈Wena Morena, o re boloke,

o re sireletse mo losikeng loo

ka bosakhutleng.

₉Fa tshenyego e godile

mo baneng ba batho,

baikepi ba ikgantsha

mo ntlheng tsotlhe.