DIPESALEME 87

Metheo e e mo dithabeng

tse di boitshepo,

Morena o a e rata.

₂O rata dikgoro tsa Sione

bogolo go maago otlhe a ga Jakobe.

₃Dilo tse di galalelang

di bolelwa ka ga gago,

wena motse wa Modimo. Sela.

₄Ke umaka Rahabe le Babele

mo go ba ba nkitseng;

le Felesita le Tiro

mmogo le Khuše

ke re: “Ba, ba tsaletswe teng.”

₅Ka ga Sione go tla twe:

“Mongwe le mongwe

o tsaletswe teng.”

Mme motse oo, Mogodimodimo o

a o tlhomamisa.

₆Morena o tla bala,

fa a kwala ditšhaba, a re:

“Yo, o tsaletswe teng.” Sela.

₇Bona ba ba binang pina

le ba ba opelang ba re:

“Metswedi yotlhe ya me

e mo go wena.”