2 VHAKORINTA 4

₁Mudzimu o tou ri khathutshela a ri ita vhaḓinḓa vha mushumo hoyu. Ndi zwine ra si nete. ₂Ri nyala zwimbevha zwi shonisaho; a ri na vhukwila, a ri shandi ipfi ḽa Mudzimu. Ri ḓivhadza ngoho ri tshi pfiwa nga Mudzimu, nahone muṅwe na muṅwe u ḓo zwi pfa mbiluni yawe uri ri vha fulufhedzeaho. ₃Naho mafhungo maḓifha ane ra a ḓivhadza a tshi nga o tsirwa, o tsirwa kha vho faraho ya u lovha. ₄Vhenevho a vha tendi, ngauri mihumbulo yavho yo swifhadzwa nga mudzimu wa misi ino mivhi, uri vha si vhonetshelwe nga tshedza tsha mafhungo maḓifha. One a amba vhugala ha Khristo a re Ene tshifanyiso tsha Mudzimu. ₅Ndi uri zwine ra ḓivhadza a si zwa u tou ḓivhambadza, ri ḓivhadza uri Yesu Khristo ndi Muṋe wa vhoṱhe; riṋe ri tou vha vhashumeli vhaṋu ri tshi itela Yesu. ₆Mudzimu we a ri, “Swiswi kha ḽi ṱuwe hu vhe na tshedza,” ndi Ene we a vhonetshela mbilu dzashu a ri ṋea tshedza tsha uri ri ḓivhe vhugala ha Mudzimu vhu penyaho tshifhaṱuwoni tsha Yesu Khristo.

₇Huno riṋe naho ro fara lupfumo lungafhongafho ri sokou vha khali zwadzo, u sumbedza uri maanḓa a fhiraho a zwoṱhe ha bvi kha riṋe ndi a Mudzimu.

₁₃Maṅwalo a ri, “Ndo amba nge nda fulufhela Mudzimu.” Na riṋe ri vha muya wonoyo wa fulufhelo; ndi zwine ra kona u amba-vho, nge ra fulufhela. ₁₄Ri ḓivha uri Mudzimu we a vusa Muṋe washu Yesu vhafuni u ḓo ri vusa-vho na Yesu, a ri isa hune Yesu a vha hone ri na inwi. ₁₅Zwoṱhe hezwo zwi itelwa inwi, uri vhuthu ha Mudzimu vhu ḓi anda vhu swike kha vhathu vhanzhi, hu vhe na ndivhuho nnzhi, uri Mudzimu a rendwe ngazwo.

₁₆Ndi zwine ra sa fulufhuwe. Naho mivhili yashu i tshi ṱahala i tshi ya, ngomu hashu ri ḓi itwa vhaswa nga misi. ₁₇U tambula hohu huṱuku ha tshifhinganyana hu khou ri ḓisela vhugala vhu sa gumi, vhune ha fhira hezwi kule-kule; a zwi vhuyi zwa vhambedzwa; ₁₈ngauri riṋe a ro ngo livha kha zwithu zwine zwa vhonwa nga maṱo, ro livha kha zwi sa vhonwi nga maṱo; zwine zwa vhonwa nga maṱo ndi zwa tshifhinganyana, hone zwi sa vhonwi nga maṱo ndi zwi sa gumi.