DZIPHISALEMA 113

₁Haleluya,

nga hu rendwe Muṋe washu!

Rendani,

inwi vhalanda vha Muṋe washu,

rendani dzina ḽa Muṋe ashu!

₂Nga hu rendwe dzina ḽa Muṋe washu,

u bva zwino na lini na lini.

₃Dzina ḽa Muṋe washu nga ḽi rendwe

u thoma vhubvaḓuvha u swika vhukovhela!

₄Muṋe washu ndi muhulwane,

u vhusa tshakha dzoṱhe,

vhugala hawe vhu fhira ḽiṱaḓulu.

₅Ndi nnyi ane a nga Mudzimu Muṋe washu,

ane a dzula ngei ṱaḓulu,

₆a sedza ngeno fhasi kule-kule,

a vhona ḽiṱaḓulu na ḽifhasi?

₇U vusa mutshinyali buseni,

a takusa mushai ḓaleḓaleni,

₈a vha dzudza na vhaḓivhalea,

vhaḓivhalea vha vhathu vhawe.

₉U ṋea muumba haya,

a vha mme a vhana, a takala.

Haleluya,

nga hu rendwe Muṋe washu!