DZIPHISALEMA 126

₁Musi Muṋe washu

o humisela mathubwa Tsioni,

ro pfa zwi tshi nga muloro.

₂Ro vha ro ḓala maseo na mapwapwalala,

ri tshi fhululedza.

Ndi hone tshakha dzi tshi ri,

“Yahavee o vha itela zwihulu.”

₃Vhukumakuma Muṋe washu o ri itela zwihulu;

ro takala lwa u takala.

₄Muṋe washu, dovha u ri humisele shangoni ḽashu,

zwi nge milambwana Phangani ya tshipembe.

₅Vhane vha zwala vha tshi lila,

vha ḓo kaṋa vha tshi fhululedza.

₆Ane a bva a tshi lila,

ó hwala mbeu a tshi yo zwala,

u ḓo vhuya a tshi fhululedza,

ó hwala zwe a kaṋa.