Eyokuqala yezikronike 18

₁KWABEKUTE emveni kwoku, ukuba u‐Davide wabeta ama‐Filistiya, wawatobisa; waza watabata i‐Gate namagxamesi ayo esandleni sama‐Filistiya.

₂Wabeta nama‐Mowabi; aza ama‐Mowabi aba ngabakonzi ku‐Davide, asa iminikelo.

₃Waza u‐Davide wabeta u‐Hadarezere, ukumkani we‐Tsoba, kwada kwase‐Hamati, ekuhambeni kwake ukuya kumisa amandla ake ngasemlanjeni wom‐Ferate. ₄Waye u‐Davide watimba kuye iwaka lenqwelwana, namawaka asixe̔nxe abakweli bamahashe, namawaka angamashumi mabini abahamba ngenyawo: waza u‐Davide wawasika umbotshwa onke amahashe enqwelwana; kodwa wasalisa kuwo awenqwelwana zalikulu. ₅Kekaloku ama‐Siriya ase‐Damakusi eza ukumnceda u‐Hadarezere ukumkani we‐Tsoba; waza u‐Davide wabulala kuwo ama‐Siriya amadoda angamawaka angamashumi mabini anamabini. ₆Wandula u‐Davide wazibeka ilali e‐Siriya yase‐Damakusi; ati ama‐Siriya aba ngabakonzi ku‐Davide, asa iminikelo. Kwa njalo uyehova wamnceda u‐Davide apo kusukuba ebesiya kona. ₇Wayetabata u‐Davide amakaka egolide abepezu kwezicaka zika‐Hadarezere, wawazisa e‐Yerusaleme. ₈Waye u‐Davide kanjalo wayisusa e‐Tibehati, nase‐Kune, izixeko zika‐Hadarezere, ixina, into eninzi kakulu, owati u‐Solomone wenza ngayo ulwandle lwexina, nentsika, nempahla zexina.

₉Kekaloku kwakuviwa ngu‐Tohu ukumkani we‐Hamati, ukuba u‐Davide ubetile wonke umkosi ka‐Hadarezere ukumkani we‐Tsoba, ₁₀wandula wamtuma u‐Hadorame unyana wake ukuya kukumkani u‐Davide, ukumbulisa, nokumtamsanqelisa, ngenxa yokuba ebelwile ngakuye u‐Hadarezere wambeta; (ngokuba u‐Hadarezere ebenzile imfazwe no‐Tohu;) watuma nempahla zonke zegolide, nezesilivere, nezexina. ₁₁Ezi nazo ukumkani u‐Davide wazenza ngcwele kuyehova, kunye nesilivere negolide abezisusile kuzo zonke intlanga: kuwo ama‐Edome, nakuwo ama‐Mowabi, nakulo usapo luka‐Hamoni, nakuwo ama‐Filistiya, nakuwo ama‐Amaleki.

₁₂Kanjako u‐Abishai unyana ka‐Tseruya wabulala ama‐Edome emhlanjeni we‐Tyuwa, amawaka alishumi elinesibozo. ₁₃Waza wazibeka ilali e‐Edome; ada onke ama‐Edome aba ngabakonzi ku‐Davide.

Kwa njalo uyehova wamnceda u‐Davide apo kusukuba ebesiya kona. ₁₄Waye u‐Davide wapata ubukumkani pezu kwo‐Sirayeli bonke, wenzela bonke abantu bake ubugwebo nobulungisa. ₁₅Kekaloku u‐Jowabi unyana ka‐Tseruya ebepezu kwomkosi; no‐Yehoshafate unyana ka‐Ahilude ebengumkumbuzi; ₁₆kanjako u‐Tsadoki unyana ka‐Ahitube, no‐Abimeleki unyana ka‐Abiyatare, bebengabaperisite; no‐Shavisha ebengumba̔li; ₁₇no‐Benaya unyana ka‐Yoyada ebepezu kwaba‐Kereti naba‐Peleti; nonyana baka‐Davide bebengabokuqala ngasesandleni sokumkani.