Eyokuqala incwadi ka‐Paulusi kuma‐Korinte 2

₁NAM ndakuza kuni, bazalwana! andeza ndishumayela kuni ubunqi̔na bukatixo ngobungangamsha bokuteta nobobulumko. ₂Ngokuba ndagweba ukuti andiyi kuyazi nento pakati kwenu, kupela u‐Yesu Kristu, naye lo ekuruseshiwe. ₃Kanjako ndabendiko kuni ebutatakeni, nasekwoyikeni, nasekututumeleni okuninzi. ₄Kwaye ukuteta kwam nokushumayela kwam bekungengamazwi acengayo obulumko babantu, bekungokubonakaliswa kwomoya nokwamandla: ₅ukuze ukolo lwenu lungemi ebulumkweni babantu, koko lume emandleni katixo.

₆Kanti siyateta ubulumko pakati kwabafezekileyo; kodwa ubulumko obungebubo obelilizwe likoyo, obungebubo nobabapati belilizwe likoyo, abatshabalalayo: ₇koko sibuteta ubulumko bukatixo emfihlakalweni, obo bufihlelweyo, owabete utixo pambili engekabiko amaxesha akudala wabumisela ubungcwalisa betu: ₈okungeko namnye wabapati belilizwe likoyo obazileyo: ngokuba bona ukuba bebebazile, ngebengayikuruseshanga inkosi yobungcwalisa. ₉Koko, njengokuba kuba̔liwe: Izinto ezingabonwanga liliso, nezingaviwanga yindlebe, nezingangenanga entliziyweni yomntu, zezi izinto utixo azilungisele abo bamtandayo. ₁₀Kodwa utixo uzityilile kuti ngaye umoya wake: ngokuba umoya epengulula izinto zonke, ewe, kwa izinto ezinzulu zikatixo. ₁₁Ngokuba ngubanina pakati kwabantu owaziyo izinto zomntu, kupela ngumoya womntu okuye? ngokunjalo nezinto zikatixo akuko namnye ozaziyo, kupela ngumoya katixo. ₁₂Tina kodwa asiwamkelanga umoya welizwe, koko simamkele umoya ovela kutixo; ukuze sizazi ezozinto sizipiweyo ngutixo. ₁₃Esiti kanjalo sitete kwa zona, kungengamazwi afundisiweyo bubulumko babantu, kungalawo afundisiweyo ngumoya oyingcwele, silinganisela izinto ezibumoya ngezinto ezibumoya.

₁₄Kodwa umntu wokuvela akazamkeli izinto zomoya katixo; ngokuba zibubudenge kuye; kanjako akangezazi, kuba ziqiqwa ngo kwomoya. ₁₅Kodwa lowo ungo womoya uyaziqiqa zonke izinto, kanti yena ngokwake akaqiqwa mntu. ₁₆Ngokuba ngubanina owazileyo uluvo lukayehova, ukuba uya kumfundisa? Kodwa tina sinalo uluvo luka‐Kristu.