Eyokuqala yokumkani 16

₁Landula leza ilizwi likayehova ku‐Jehu unyana ka‐Hanani ngakuye u‐Bahasha, lisiti: ₂Ngokokuba ndikupakamisile elutulini, ndakwenza inkosi pezu kwabantu bam o‐Sirayeli: kanti uhambile ngendlela ka‐Jerobome, wabenza abantu bam o‐Sirayeli bone, ukundiqumbisa ngezono zabo; ₃bona ke, ndiya kukukulisa u‐Bahasha, nendlu yake: ndandiya kuyenza indlu yako njengayo indlu ka‐Jerobome unyana ka‐Nebati. ₄Lowo ka‐Bahasha obubayo esixekweni, izinja ziya kumdla: nowake obubayo endle, intaka zezulu ziya kumdla.

₅Nesisalela semicimbi ka‐Bahasha, noko wakwenzayo, namandla ake, ayiba̔lwanga na yona encwadini yemicimbi yemihla ngemihla yokumkani bo‐Sirayeli? ₆Wada walala u‐Bahasha noyise bake, wancw̔atywa e‐Tiretsa: waza u‐Ela unyana wake wapata ubukumkani esikundleni sake.

₇Nakanjako leza ilizwi likayehova ngesandla sika‐Jehu unyana ka‐Hanani umprofite, ngakuye u‐Bahasha, nangakuyo indlu yake, kwa ngenxa yako konke ukukohlakala abekwenzile emehlweni kayehova, ngokumqumbisa ngomsebenzi wezandla zake, ngokuba njengendlu ka‐Jerobome, nangenxa yokuba ebembulele.

₈Ngomnyaka wamashumi mabini anesitandatu ka‐Asa ukumkani wo‐Juda, waba ngukumkani u‐Ela unyana ka‐Bahasha pezu kwo‐Sirayeli e‐Tiretsa, wapata ubukumkani iminyaka yamibini. ₉Saza saceba ngakuye isicaka sake u‐Zimri, inkosi yesiqingata senqwelwana zake, nxa abese‐Tiretsa, ezinxilisa ngokusela endlwini ka‐Aretsa, obepezu kwendlu yake e‐Tiretsa. ₁₀Wangena u‐Zimri wambeta, wambulala, ngomnyaka wamashumi mabini anesixe̔nxe ka‐Asa ukumkani wo‐Juda, wapata ubukumkani esikundleni sake. ₁₁Kwaye kute, akuba ngukumkani, nxa abehleli pezu kweterone yake, wabeta yonke indlu ka‐Bahasha; akamsalisela namnye onobudoda, nowezalamane zake nowezihlobo zake. ₁₂Kwa njalo u‐Zimri watshabalalisa yonke indlu ka‐Bahasha, njengelizwi likayehova, elo wabelitetile ngakuye u‐Bahasha ngesandla sika‐Jehu umprofite, ₁₃ngenxa yazo zonke izono zika‐Bahasha, nezono zika‐Ela unyana wake, abonayo ngazo, nababenzayo o‐Sirayeli bone ngazo nabo, ukumqumbisa uyehova, utixo wo‐Sirayeli, ngezinto zabo ezingendawo.

₁₄Kekaloku isisalela semicimbi ka‐Ela, nako konke abekwenza, ayiba̔lwanga na yona encwadini yemicimbi yemihla ngemihla yokumkani bo‐Sirayeli?

₁₅Ngomnyaka wamashumi mabini anesixe̔nxe ka‐Asa ukumkani wo‐Juda, wapata u‐Zimri ubukumkani imihla yasixe̔nxe e‐Tiretsa. Baye abantu beṙaula i‐Gibetone, eyeyama‐Filistiya. ₁₆Kwaza kwaviwa ngabantu ababeṙaula lomzi, kusitwa: u‐Zimri ucebile, ewe umbulele ukumkani kanjalo; ngako bonke o‐Sirayeli benza u‐Omri, inkosi yomkosi, ukumkani pezu kwo‐Sirayeli ngaleyomini emnqubeni apo. ₁₇Waza wenyuka u‐Omri e‐Gibetone, no‐Sirayeli bonke kunye naye, baya bavingcela i‐Tiretsa. ₁₈Kwaye kute, akubona u‐Zimri ukuba sitinjiwe isixeko, wandula wangena enqatyeni yendlu yokumkani, wayitshisa pezu kwake indlu yokumkani ngomlilo, wabuba, ₁₉ngenxa yezono zake abe onile ngazo, ngokwenza okukohlakeleyo emehlweni kayehova, ngokuhamba ngendlela ka‐Jerobome, nangesono sake wona ngaso, ngokwenza o‐Sirayeli bone nabo.

₂₀Nesisalela semicimbi ka‐Zimri, nokuceba kwake owaceba ngako, ayiba̔lwanga na yona encwadini yemicimbi yemihla ngemihla yokumkani bo‐Sirayeli?

₂₁Oko bahluka abantu bakwa‐Sirayeli kwezibini iziqingata: esinye isiqingata sabantu samlandela u‐Tibeni unyana ka‐Ginate, simenze ukumkani; nesinye isiqingata samlandela u‐Omri. ₂₂Kodwa abantu ababemlandela u‐Omri babeyisa abantu ababemlandela u‐Tibeni unyana ka‐Ginate: wada wafa u‐Tibeni, wapata ubukumkani u‐Omri.

₂₃Ngomnyaka wamashumi matatu anesinye ka‐Asa ukumkani wo‐Juda, waba ngukumkani u‐Omri pezu kwo‐Sirayeli, wapata ubukumkani iminyaka yalishumi linamibini: e‐Tiretsa wapata ubukumkani iminyaka yamitandatu. ₂₄Waza watenga intaba ye‐Samariya ku‐Shemere ngetalente zimbini zesilivere, waka entabeni leyo, walibiza igama lesixeko wasakayo, ngegama lika‐Shemere, umnini wentaba, ngokuti yi‐Samariya. ₂₅Waye u‐Omri esenza okukohlakeleyo emehlweni kayehova; ewe wenza okukohlakeleyo ngapezu kwabo bonke abebepambili kuye. ₂₆Ngokuba ebehamba ngayo yonke indlela ka‐Jerobome unyana ka‐Nebati, nangesono sake abebenzile o‐Sirayeli bone ngaso, ukumqumbisa uyehova, utixo wo‐Sirayeli, ngezinto zabo ezingendawo.

₂₇Nesisalela semicimbi ka‐Omri, oko wakwenzayo, namandla ake owenza ngawo, ayiba̔lwanga na yona encwadini yemicimbi yemihla ngemihla yokumkani bo‐Sirayeli? ₂₈Wada u‐Omri walala noyise bake, wancw̔atywa e‐Samariya: waza u‐Ahabi unyana wake wapata ubukumkani esikundleni sake.

₂₉Kekaloku u‐Ahabi unyana ka‐Omri waba ngukumkani pezu kwo‐Sirayeli, ngomnyaka wamashumi matatu anesibozo ka‐Asa ukumkani wo‐Juda; wapata ubukumkani u‐Ahabi unyana ka‐Omri pezu kwo‐Sirayeli e‐Samariya, iminyaka yamashumi mabini anamibini. ₃₀Waye u‐Ahabi unyana ka‐Omri wenza okukohlakeleyo emehlweni kayehova, ngapezu kwabo bonke abebepambili kuye. ₃₁Kwaza kwati, (bekuyinto encinane na ukuhamba kwake ezonweni zika‐Jerobome unyana ka‐Nebati?) ukuba wamzeka abe ngumfazi u‐Jezebele, intombi ka‐Etebali ukumkani wama‐Tsidone, waya wakonza u‐Bali, watoba pambi kwake. ₃₂Waza wamisela u‐Bali isibingelo endlwini ka‐Bali, leyo abeyakile e‐Samariya: ₃₃wawenza u‐Ahabi kanjako umfanekiso ka‐Ashera: kwa njalo u‐Ahabi wandisa ukwenza kwake ukuqumbisa uyehova, utixo wo‐Sirayeli, ngapezu kwabo bonke okumkani bo‐Sirayeli abebepambili kuye.

₃₄Ngemihla yake u‐Hiyeli, um‐Betele, wayaka i‐Jeriko: ngo‐Abirame owamazibulo wake wayiseka, nango‐Segube omncinane wake wamisa ingcango zayo, njengelizwi likayehova, owalitetayo ngo‐Yoshuwa unyana ka‐Nune.