Eyokuqala incwadi ka‐Paulusi kuma‐Tesalonika 3

₁Ngako oko sakuba singasenako ukunyamezela, saba kulungile ukuba sishiywe e‐Atenesi sedwa; ₂saza satuma u‐Timote, umzalwana wetu, nomkonzi katixo, nomsebenzisi wetu evangelini ka‐Kristu, ukuya kuniqinisa, nokuniyala ngalo ukolo lwenu, ₃ukuba kungabiko mntu oshukunyiswayo pakati kwezimbandezelo; ngokuba nisazi ngokwenu ukuba simiselwe kwa kona. ₄Ngokuba okunene, okuya sibe sinani, sibe sisitsho pambili kuni ukuti siza kubandezelwa; njengokuba kanjalo kwaza kubako, nanjengokuba nisazi. ₅Ngenxa yoku, ndakuba nam ndingasenako ukunyamezela, ndatuma ukuba ndiqonde ukolo lwenu, hleze kungati umlingi abe enilingile, uze ufumane usenzwa umzamo wetu.

₆Kodwa ngoku akufika u‐Timote kuti evela kuni, waza wasishumayeza indaba ezilungileyo zokolo lwenu notando lwenu, nokokuba ninokusikumbula okulungileyo ngamaxesha onke, nilangazelela ukusibona tina, kwa njengokuba nati sisenje njalo ukunibona nina, ₇sati ngenxa yoku, bazalwana! sonwatyiswa pezu kwenu, kuko konke ukubandezelwa kwetu nobunzima betu, ngalo ukolo lwenu: ₈kuba kaloku sibudla ubomi, nxa niqinisa ukuma nina enkosini. ₉Ngokuba singanibuyisela kutixo umbulelo omnina, pezu kwalo lonke uvuyo esivuya ngalo ngenxa yenu ebusweni botixo wetu, ₁₀ebusuku nasemini sitandaza kakulu ngakumbi nje ukuba sibubone ubuso benu, nokuba sikwenzelele okuswelekileyo elukolweni lwenu?

₁₁Kekaloku yena ngokwake utixo nobawo wetu, nayo inkosi yetu u‐Yesu Kristu, wanga angondisa indlela yetu kuni. ₁₂Nani ke yanga ingati yona inkosi inenze nanele nikolise ukwanda elutandweni lwenu omnye ngakwomnye nangakubo bonke abantu, kwa njengokuba nati sisenje njalo ngakuni; ₁₃ukuze iqinise intliziyo zenu zibe zingenatyala ebungcweleni, ebusweni bake utixo nobawo wetu, ekufikeni kwenkosi yetu u‐Yesu Kristu ndawonye nabo bonke abangcwele bayo.