Eyokuqala incwadi ka‐Paulusi kuma‐Tesalonika 5

₁Kodwa amaxesha namatuba, bazalwana! aninakuswela ukuba kuba̔lwe kuni ngawo. ₂Ngokuba nikolisa ukwazi ngokwenu ukuba wona umhla wenkosi uyenje njalo ukuza njengesela ebusuku. ₃Ngokuba xeshekweni baya kuti: Kuko uxolo nokunqaba; iti oko ibafikele imbujiswa ngokwalama, njengokuba inimba ifikela umfazi omitiyo; baye bengayi kusinda nakanye. ₄Kodwa nina, bazalwana! anisebumnyameni, ukuze umhla lowo unibaqe njengesela. ₅Nina nonke nilusapo lwokukanya, nilusapo lwemini: tina asingabobusuku, asingabobumnyama kanjako. ₆Ngako ke masingalali butongo, njengokuba besenje njalo nabanye; masiti silinde siqabuke. ₇Ngokuba abo balalayo belala ebusuku; nabo banxilayo benxila ebusuku. ₈Kodwa tina singabemini nje, masiqabuke, sisambete isigcinisifuba sokolo notando, netemba losindiswa libe ngumnqwazi: ₉kuba utixo engasimiselanga umsindo, koko wasimisela ukuzuza usindiswa ngayo inkosi yetu u‐Yesu Kristu, ₁₀owasifelayo, ukuze ke, nokuba kuti sivuke, nokuba kuti silale, sidle ubomi kwa kunye naye. ₁₁Ngako oko yonwabisanani, nimisane, kwa njengokuba nisenje njalo.

₁₂KEKALOKU siyanitandaza, bazalwana! ukuba nibazi abo basebenzayo pakati kwenu, abanipatayo enkosini, abanilulekayo; ₁₃nokuba nibabuke kakulu ngakumbi elutandweni ngenxa yomsebenzi wabo. Yibani nokuxolana pakati kwenu.

₁₄Kanjako siyaniyala, bazalwana! lulekani ababugaxagaxa, tutuzelani abantliziyo zinokudana, xasani abo babutataka, yibani nokuzeka kade kubo bonke.

₁₅Lumkani ukuba kungabiko mntu opindezelayo kwomnye ngobubi ngenxa yobubi; niti ngamaxesha onkemiputume oko kulungileyo, kwa omnye ngakwomnye, nangakubo bonke abantu.

₁₆Vuyani ngamaxesha onke. ₁₇Tandazani ningayeki. ₁₈Bulelani ezintweni zonke: ngokuba oku kuyintando katixo ku‐Kristu Yesu ngakuni.

₁₉Ningacimi umoya. ₂₀Ningadeli iziprofitesho. ₂₁Lingani izinto zonke; bambani leyo ilungileye. ₂₂Zilani zonke intlobo zenkohlakalo.

₂₃Kekaloku yena utixo woxolo ngokwake wanga anganingcwalisa isiqu sipela: ewe umoya nompefumlo nomzimba wenu wonke upela maugcinwe ube ungenatyala ekufikeni kwenkosi yetu u‐Yesu Kristu. ₂₄Unyanisekile lowo unibizayo, oya kuti kanjalo akwenze.

₂₅Bazalwana! sitandazeleni. ₂₆Bulisani bonke abazalwana ngokwanga okungcwele. ₂₇Ndiyanifungisa inkosi ukuba lencwadi ileseshwe kubo bonke abazalwana abangcwele.

₂₈Ufefe lwenkosi yetu u‐Yesu Kristu malube nani. Amene.