Eyokuqala incwadi ka‐Paulusi ku‐Timote 3

₁LINYANISEKILE elilizwi: Ukuba umntu uyanqwenela ubusebenzi bomlindi, uyakanuka umsebenzi olungileyo. ₂Kekaloku ongumlindi ufanele ukuba abe ngongenakukalazelwa, abe yindoda yomfazi mnye, abe yinca̔tu, abe nobutelekelelo, abe nokumila okufanelekileyo, abe ngumbuki wabasemzini, abe elungele ukufundisa; ₃angabi ngohlala kade pezu kweveyine, angabi ngumbeti, angabi ngonxamela inzuzo embi, abe enokutamba, engangxoli, engatandi imali, ₄epata kakuhle eyake indlu, enabantwana bake besekululameleni ndawonye nokuzibeka konke; ₅(kodwa ukuba umntu akazi ukuyipata eyake indlu, woti nina ukuyigcina iṙemente katixo?) ₆angabi ngosandula ukugqoboka, hleze ati ekukumele lir̔atshi eyele ekugwetyweni kuka‐Satane. ₇Ufanele ukuti nakanjako abe nobunqi̔na obuhle buvela kubo abapandle, ukuze angeyeli ekutukweni nasemgibeni ka‐Satane.

₈Ngokunjalo mabati abakonzi babe nokuzibeka, bangabi namilomo mibini, bangazilahleli kwiveyine eninzi, banganxameli inzuzo embi; ₉bebamba imfihlakalo yokolo ngesazeliso esicocekileyo. ₁₀Nabo aba ke mabalingwe kuqala; bandule oko benze umsebenzi wabakonzi, ukuba abanikwa tyala lanto. ₁₁Ngokunjalo mabati abafazi babe nokuzibeka, bengengabancetezi, benobunca̔tu, benyanisekile ezintweni zonke. ₁₂Abakonzi mababe ngamadoda omfazi mnye, bepata kakuhle ababo abantwana nezabo izindlu. ₁₃Ngokuba abo balungisileyo ukwenza umsebenzi wabakonzi bezizuzela isimo esilungileyo, nenkalipo enkulu elukolweni olukuye u‐Kristu Yesu.

₁₄Ezizinto ndiyaziba̔la kuwe, nditemba nje ukuza kuwe kamsinyane; ₁₅kodwa ukuba ndiyalibala kade, ukuze wazi ukuba ufanele ukuti nina ukuzipata endlwini katixo, eti yona iyiṙemente katixo ohleliyo, intsika nesiza senyaniso. ₁₆Nangapandle kwokupikwa inkulu imfihlakalo yobubedesho: utixo wabonakaliswa enyameni, wagwetyelwa emoyeni, wabonwa zingelosi, washunyayelwa pakati kwabaheyideni, kwakolwa kuye elizweni, wenyuselwa pezulu ebungcwaliseni.