Eyesibini incwadi ka‐Paulusi kuma‐Korinte 10

₁KEKALOKU mna Paulusi ngokwam ndiyanikunga ngako ukululama nokutamba kuka‐Kristu, onditi ndisebusweni benu nditobekile pakati kwenu, kodwa nxa ndingekoyo ndinokwomelela ngakuni: ₂kodwa ndiyanitandaza, ukuba ndingati nxa ndikoyo ndibe nokwomelela ngobuganga obo, enditelekelelisayo ukukalipa ngabo ngakubo abatile, abasibalelayo njengokungati sibe sihamba ngokwenyama. ₃Ngokuba sisiti, nangona sihamba enyameni, singalwi ngokwenyama: ₄(ngokuba izikali zokulwa kwetu zingebunyama, koko zinamandla pambi kwotixo kuze kube kukuci̔twa kwazo inqaba:) ₅sici̔ta nje izicamango, nento zonke ezinde ezipakamayo ngakuko ukwaziwa kukatixo, sitimbela nokutimbela ekuviweni kuka‐Kristu onke amaqinga; ₆sesilungile nje kanjalo ukupindezelela konke ukungeva, okuya kuzalisekisweyo ukuva kwenu.

₇Nizikangela izinto ngokwokubonakala kwazo na? Ukuba umntu uyazitembela ngokwake ukuba ungoka‐Kristu, makati ngokwake kanjako atelekelele oku, ukuba, njengokuba yena lo ungoka‐Kristu, kwa njalo nati singabaka‐Kristu. ₈Ngokuba naxeshekweni ndiqa̔yisayo ngento enkulu ngakumbi ngalo igunya letu, esanikwa lona yinkosi, libe lelokunimisa, lingabi lelokunici̔ta, andiyi kudana: ₉ukuze ndingabi nokungati ngendinoyikisa ngencwadi zam. ₁₀Ngokuba incwadi zake, kutshiwo, ziyinto enkulu, zinamandla; kodwa umzimba wake nxa akoyo ubutataka, nokuteta kwake kuyinto edelekileyo. ₁₁Makati onjalo atelekelele oku, ukuba, into siyiyo ekuteteni ngencwadi nxa singekoyo, sikwa yinto enjalo kanjako nxa sikoyo ekwenzeni. ₁₂Ngokuba singalingi ukuzibalelela umhlaumbi ukuzifanisa nenxenye yabazincomayo: koko bona, bezilinganisa pakati kwabo nje, bezifanisa kwa nabo ngokwabo, bengenakuqonda. ₁₃Kodwa tina asiyi kuqa̔yisa ngendawo engenakulinganiswa, koko ngesilinganiselwa somda esabelwa sona ngutixo ukuba sisilinganiselwa sokuba sifikelele kude kube nakuni. ₁₄Ngokuba singazoluli ngokugqita esilinganiselweni setu, njengokungati sibe singafikeleli kuni: ngokuba sasesifikile kwada kwaba nakuni evangelini ka‐Kristu: ₁₅singaqa̔yisi nje ngendawo engenakulinganiswa emisebenzini yabanye abantu, kodwa sinetemba nje lokuba soti, nxa ukolo lwenu lukulayo, sandiswe pakati kwenu ngokwomda wetu ngento eninzi kakulu, ₁₆size siyishumayele ivangeli ezindaweni ezisele kwenu, singaqa̔yisi emdeni womnye umntu ngezinto ezise zilungisiwe. ₁₇Kodwa lowo uqa̔yisayo, makaqa̔yise enkosini. ₁₈Ngokuba engenguye ozincomayo ngokwake obukwayo, nguye onconywayo yinkosi.