Eyesibini incwadi ka‐Paulusi kuma‐Korinte 13

₁LIXESHA lesitatu eli endiza kuni. Ngomlomo wamanqi̔na amabini umhlaumbi amatatu onke amazwi aya kumiswa. ₂Senditshilo ke, nditsho pambili nalapa, njengokungati bendiko ngokwesibini, kanti ndingeko nje ndiyaba̔la kaloku, kubo abo base bonile, nakubo abanye bonke, ukuti, xeshekweni ndibuya ndifike, andiyi kubayeka: ₃ekubeni niwufuna umlingo wokuba ngu‐Kristu oteta ngam, ongebutataka ngakuni, koko enamandla pakati kwenu. ₄Ngokuba nangona ebekuruseshwa ngobutataka, uyadla ubomi noko ngamandla katixo. Ngokuba nati sibutataka kuye, koko siya kudla ubomi kunye naye ngamandla katixo ngakuni.

₅Zibenceni, ukuba niselukolweni kusinina; zilingeni. Anizazeli ngokwenu na, ukuba u‐Yesu Kristu ukuni? ukuba kambe aningabo abaliwayo. ₆Kodwa ndiyatemba ukuba niya kwazi ukuba tina asingabo abaliwayo. ₇Kekaloku ndiyatandaza kutixo ukuba ningenzi nanye into ekohlakeleyo; kungekukuba tina sibonakale singababukwayo, koko kukuba nina nikwenze oko kufanelekileyo, nakuba besiya kuti tina sibe njengabaliwayo. ₈Ngokuba singeyenze into ukumela inyaniso, koko ukunceda inyaniso. ₉Ngokuba sivuya, sakuba tina sibutataka, nani ninamandla: kanjalo oku nako siyakunqwena, kwa inzaliseko yenu. ₁₀Ngenxa yoku ndiyaba̔la ezizinto ndingeko nje, ukuze nditi, nxa ndikoyo, ndingenzi ngobukali, njengokwegunya endanikwa lona yinkosi, libe lelokumisa, lingabi lelokuci̔ta.

₁₁Okuseleyo, bazalwana! vuyani, yibani nizalisekile, yibani nisonwatyiswa, yibani nokuvumelana, yibani noxolo; waeya kuti utixo wotando noxolo abeko nani. ₁₂Bulisanani ngokwanga okungcwele. ₁₃Bonke abangcwele bayanibulisa.

₁₄Ufefe lwenkosi u‐Yesu Kristu, notando lukatixo, nodlelano lwomoya oyingcwele, malube nani nonke. Amene.