Eyesibini incwadi ka‐Paulusi kuma‐Korinte 2

₁Kodwa ndagweba oku ngokwam ukuti andiyi kubuya ndize kuni ngosizi. ₂Ngokuba mna ukuba ndiyanenza lusizi, ngubanina ke ondivuyisayo, kupela ngulowo owenziwa lusizi ngam? ₃Kanjalo lento ekwa yiyo yona ndayiba̔la kuni, ukuze nditi ndakufika ndingabi nosizi kubo abo bendifanele ukuba nokuvuya ngabo; ndinokutemba kuni nonke nje, ukuba olwam uvuyo lulolwenu nonke. ₄Ngokuba ndiselubandezelweni olukulu nasebunzimeni bentliziyo ndaba̔la kuni ngenyembezi ezininzi; bekungekukuba nenzwe lusizi, bekukukuba nilwazi olotando endinalo kakulu ngakumbi ke ngakuni.

₅Kodwa ukuba umntu wenzile usizi, akandenzelanga usizi mna, koko ngokwenxenye (ukuze ndingabeki kuye into esindayo) enenzele lona nina nonke. ₆Kwanele onjalo okukwohlwayiwa okwenziwa ngabo abaninzi. ₇Kwa njalo ke ngelinye icala nifanele ngakumbi ukumxolela nokumonwabisa, hleze kungati onjalo aginyelwe lusizi oluninzi kakulu. ₈Ngako oko ndiyanikunga ukuba niqinise utando lwenu ngakuye. ₉Ngokuba ndaba̔lela kwa oku kanjalo, ukuze ndikwazi ukulingwa kwenu, ukuba nipulapula ezintweni zonke na. ₁₀Lowo ke enimxolelayo into, ndiyamxolela nam: ngokuba nam ukuba ndixolele into, lowo ndimxoleleyo, ndamxolela ngenxa yenu, ebusweni buka‐Kristu; ₁₁ukuze singalunyukiswa ngu‐Satane: ngokuba amaqinga ake singenakungawazi.

₁₂Kanjako, ndakufika e‐Tirowa ngenxa yevangeli ka‐Kristu, nanxa bendivulelwe ucango enkosini, ₁₃ndandingenakupumla emoyeni wam, ekubeni bendingafumani u‐Titusi umzalwana wam; koko ndibabulisile nje ndemkayo ukuya e‐Masedoniya.

₁₄KODWA makubulelwe kutixo, oti ngamaxesha onke asenze soyise ku‐Kristu, nevumba lokwaziwa kwake alibonakalise ngati kuzo zonke indawo. ₁₅Ngokokuba silivumba elimnandi lika‐Kristu kuye utixo, pakati kwabo basindiswayo, napakati kwabo babubayo: ₁₆kwabanye silivumba lokufa kube kukufa; kwabanye silivumba lobomi bube bubomi. Kanti ngubanina ozilinganele ezizinto? ₁₇Ngokuba singenjengabo abaninzi, siligxengela ilizwi likatixo nje; koko njengabobunene, koko njenga bakatixo, ebusweni bukatixo, sitetayo ku‐Kristu.