Eyesibini incwadi ka‐Paulusi kuma‐Korinte 7

₁Ngako sinawo lamadinga nje, batandwa! masizihlambulule kuko konke ukudyoba kwenyama nokwomoya, sibufeza ubungcwele nje ekwoyikeni utixo.

₂SAMKELENI; asonanga mntu, asonakalisanga mntu, asilumkisanga mntu. ₃Anditeti oku ukunga ndinganigweba: ngokuba nditshilo pambili ukuti nisezintliziyweni zetu ukuba sife ndawonye nani nokuba sipile ndawonye nani. ₄Kukulu ukukalipa kwam ekuteteni ngakuni, kukulu ukuqa̔yisa kwam ngenxa yenu; ndizalisiwe lulwonwabiso, ndiyapupuma luvuyo kuko konke ukubandezelwa kwetu.

₅Ngokuba okunene sakufika e‐Masedoniya, inyama yetu i̔bingenakupumla, koko sibe sibandezelwa ngamacala onke; ngapandle bekuko izilwo, pakati bekuko izoyiko. ₆Noko ke lowo owonwabisayo abo batobekileyo, kwa utixo, wasonwabisa tina ngokufika kuka‐Titusi; ₇bekungengokufika kwake kodwa, koko bekungako nokwonwabisa wonwatyiswa ngako kuni, esityela ukulangazelela kwenu, ukulila kwenu, ukundizondelela kwenu; ndada ndavuya ngakumbi. ₈Kuba ndisiti, nakuba ndanenza lusizi ngencwadi yam, ndingazohlwayi, nakuba ndibe ndizohlwaya: ngokuba ndibona ukuba incwadi leyo yanenza lusizi, nakuba bekungexeshana kodwa. ₉Kaloku ndiyavuya, kungekukuba nenziwa lusizi, koko ukuba nenziwa lusizi lwada lwaba luguquko: ngokuba nenziwa lusizi ngo kukatixo, ukuze ningalahlekelwa nto ngati. ₁₀Ngokuba usizi olungo kukatixo luzuzisa uguquko lude lube lusindiswa, eningayi kuzohlwaya ngalo; kodwa usizi lwaselizweni luyazuzisa ukufa. ₁₁Ngokuba, bona ke, kwa yona lento, yokuba nenziwa lusizi ngo kukatixo, yenza ukuku̔tala okukulu kangakanana kuni! ewe, ukuzitetelela, ewe, ukuqumbela, ewe, ukwoyika, ewe, ukulangazelela, ewe, ukuzondelela, ewe, ukupindezela! Ezintweni zonke nazibonakalisa ukuba nimhlope kulendawo. ₁₂Kukona, nakuba ndaba̔layo kuni, bekungengenxa yalowo ube wonile, bekungengenxa yalowo ube woniwe kanjalo, bekungenxa yokuba kubonakaliswe kuni ukuniku̔talela kwetu ebusweni bukatixo.

₁₃Ngenxa yoku sasisonwatyiswa ekwonwatyisweni kwenu; kanjako sakolisa ukuvuya kakulu ngakumbi pezu kwovuyo luka‐Titusi, kuba umoya wake upunyuziwe nini nonke. ₁₄Ngokuba mna ukuba ndike ndaqa̔yisa kuye ngenxa yenu, bendingadaniswa: koko njengokuba sibe siteta zonke izinto kuni ngenyaniso, kwa njalo nokuqa̔yisa kwetu pambi kwo‐Titusi bekufunyanwa ukuba yinyaniso. ₁₅Kanjalo umbilini wake ungakuni ngento enkulu ngakumbi, nxa akumbulayo ukuva kwenu nonke, okokuba nati ngokwoyika nangokututumela namamkela. ₁₆Ndiyavuya ngoko ukuba ezintweni zonke ndinokwomelela ngani.