Eyesibini incwadi ka‐Paulusi kuma‐Korinte 9

₁Ngokuba ngako ukwabela abangcwele, akufuneki kanye ukuba ndiba̔le kuni: ₂ngokuba ndisazi unxamelo lwenu, endiqa̔yisayo pezu kwenu ngalo kwabase‐Masedoniya, ukuba i‐Akaiya seilungile nyakenye; kanjalo uzondelelo lwenu lwavusa into eninzi yabo. ₃Kodwa nditumile abazalwana aba, ukuze ukuqa̔yisa kwetu pezu kwenu kungenziwa into engento yanto kuyo lendawo; ukuze ke, njengokuba bendisitsho, nibe senilungile: ₄hleze kungati, xeshekweni kuzayo abase‐Masedoniya kunye nam, banifumane ningalunganga, kudaniswe tina, (ukuze ndingatsho ukuti nina,) kokukwomelela kwokuqa̔yisa. ₅Ndati ngoko ndaba kufanelekile ukuyala abazalwana aba, ukuba bandulele ukuya kuni, balungise pambili into yesisa senu ebishunyayelwe pambili, ukuba yona le ibe ilungile, kube njengokuba iyinto yesisa, kungabi njengokungati yinto yokuvimba.

₆Kodwa oku ndiyakutsho: Ohlwayelayo ngokuncinane uya kuvuna nangokuncinane; nohlwayelayo ngokuninzi uya kuvuna nangokuninzi. ₇Bonke ngabanye mabape njengokuba bezicingela entliziyweni; kungabi ngosizi, umhlaumbi ngokunyanzelwa: ngokuba utixo etanda opayo ngokucwayita. ₈Kanjako utixo unamandla ukwenza ufefe lwonke lukolise ukunandela, ukuze niti, ninokwanela konke ezintweni zonke ngamaxesha onke, nikolise ukwandela yonke imisebenzi elungileyo; ₉njengokuba kuba̔liwe ukuti: Uci̔tile, wapa abasweleyo; ubulungisa bake bumi ngonapakade. ₁₀Kekaloku wanga angati lowo obabala imbewu kumhlwayeli, nesonka sibe kukudla, ababale andise isihlwayelo senu, akulise iziqa̔mo zobulungisa benu; ₁₁nityetyiswa nje ezintweni zonke kube sisisa sonke, esizuzisayo ngati umbulelo kutixo. ₁₂Ukuba ukwabiwa kwokonzo olu kungazenzeleli intswelo zabangcwele kodwa, koko kanjako kukolisa ukwanda ngayo imibulelo emininzi kutixo; ₁₃bakuba besiti, ngaso isazelo sesabiwo esi, badumise utixo ngenxa yolulamelo lwemvumelo yenu kuyo ivangeli ka‐Kristu, nesisa somnikelo wenu kubo, nakubo bonke; ₁₄bona nabo ngokwabo ngokunitandazela benilangazelela nje ngenxa yofefe oludluliseleyo lukatixo olukuni. ₁₅Makubulelwe kutixo isipo sake esingabalisekileyo.