Eyesibini incwadi ka‐Petrosi 1

₁USIMONE Petrosi, isicaka nompostile ka‐Yesu Kristu, kubo abo baluzuzileyo kwa lona ukolo lufana nolwetu ukuba lunqabile kwalo ebulungiseni bake utixo nomsindisi wetu u‐Yesu Kristu: ₂Ufefe noxolo lwanga lunganandiselwa ekwaziweni kwake utixo, no‐Yesu inkosi yetu.

₃Ukuba amandla ake abutixo esipile zonke izinto ezilungele ubomi nobubedesho, ngako ukwaziwa kwalowo owasibizayo ngabo ubungcwalisa namandla; ₄okungazo sipiwe izitembiso ezikulu kunene ezinqabileyo, ukuze niti ngezi nibe nobudlelana nawo ummilo obutixo, nisindile nje kulo ulwonakalo oluselizweni ngayo inkanuko; ₅kwa ngenxa yako oku ke, senisongeza konke ukuku̔tala nje, yalekelani kulo ukolo lwenu ulwomelelo, nakulo ulwomelelo lwenu ukwazi, ₆nakuko ukwazi kwenu ubunca̔tu, nakubo ubunca̔tu benu umonde, nakuwo umonde wenu ububedesho, ₇nakubo ububedesho benu ukutanda abazalwana, nakuko ukutanda abazalwana kwenu utando. ₈Ngokuba ezizinto ukuba ziko kuni, zisanda nokwanda, zinenza ukuba ninganqeni nokuba ningaputi ekwaziweni kwayo inkosi yetu u‐Yesu Kristu. ₉Kanti ke lowo zingeko kuye ezizinto uyimfama, ekohlwa kubona kude, selelibele nje intlanjululwa yezono zake zapambili. ₁₀Ngako oko, bazalwana! nxamelani ngakumbi ukubizwa nokunyulwa kwenu ukukwenza kuqinisekile; ngokuba nisenza oku ke ningasayi kuza niwe: ₁₁ngokuba ngokunjalo niya kwenzelelwa ukungena ebukumkanini obungunapakade bayo inkosi yetu nomsindisi wetu u‐Yesu Kristu ngokukolisa.

₁₂Ngako oko andiyi kulibala ukunikumbuza futi ngezizinto, nangona niti nizazi, niqiniselwe kwinyaniso eninayo. ₁₃Kodwa ndiba kufanelekile, lonke ixesha ndiseko ngalo kulo olupahla, ukuba ndinivuse ngokunikumbuza; ₁₄ndisazi nje ukuba ukubekwa pantsi kwalo upahla lwam kuza kubako kamsinya, kwa njengokuba inkosi yetu u‐Yesu Kristu yandibonisayo. ₁₅Kodwa ndiya kuzama ukuba nibe nako kanjalo ngamaxesha onke emveni kwokufa kwam ezizinto ukuzikumbula.

₁₆Ngokuba besingalandelanga intsomi ezenziweyo ngobuqinga, sakunazisa amandla nokufika kwenkosi yetu u‐Yesu Kristu, koko sibe singababoneli bobukulu bayo. ₁₇Ngokuba yamkelayo udumo nobungcwalisa kutixo uyise, kwakuziswa kuyo ilizwi elinjalo livela kubo ubungcwalisa obubungangamsh, lisiti: Lo ungunyana wam otandiweyo, endikolisiweyo kakuhle nguye. ₁₈Nelilizwi saliva tina lakuziswa livela ezulwini, oko sibe sinaye entabeni engcwele.

₁₉Kanjalo sinalo ilizwi lobuprofitesho liqinisekile ngakumbi, enilungisa ukulinyamekela, njengaso isibane sikanya endaweni emnyama, kude kuti qi̔p’ ukusa, kupume nekwezi, ezintliziyweni zenu: ₂₀oku kuqala nikuqonda nje, ukuba akuko siprofitesho sesiba̔lo esisesokwaso ukutyilwa: ₂₁ngokuba kungezanga kuziswe isiprofitesho ngentando yomntu; koko abantu abangcwele bakatixo batetayo, bequ̔tywa ngumoya oyingcwele.