1KWABEKUTE ekutwaseni kwomnyaka, ngexesha lokupuma kwabo okumkani, wandula u‐Davide watuma u‐Jowabi, nezicaka zake kunye naye, nawo onke ama‐Sirayeli, ukuya kutshabalalisa usapo luka‐Hamoni, nokuvingcela i‐Raba. Kodwa u‐Davide wasala e‐Yerusaleme.
2Kwaza kwati ngexesha lokuhlwa, wesuka u‐Davide emandlalweni wake, wahamba pezu kwesifulelwa sendlu yokumkani; wati esesifulelweni wabona umfazi ezihlamba: kekaloku umfazi lowo ebemhle kakulu ukubonakala kwake. 3Waza watuma u‐Davide, wabuza ngalomfazi. Kwaye kusitwa: Lo asi nguye na u‐Batesheba, intombi ka‐Elihame, umfazi ka‐Huriya um‐Hete? 4Wandula u‐Davide watuma izigidimi, wamtabata; wati akungena kuye, walala naye; ngokuba ebezihlambulule ekunco̔leni kwake: wada wabuyela endlwini yake. 5Waza wakaula umfazi lowo, watuma wamxelela u‐Davide, wati: Mna ndikaulile. 6Wandula u‐Davide watuma ku‐Jowabi, esiti: Tuma kum u‐Huriya um‐Hete. Waza u‐Jowabi wamtuma u‐Huriya ku‐Davide.
7Wati akutika u‐Huriya kuye, wabuza u‐Davide ngokupila kuka‐Jowabi, nangokupila kwabantu, nangokuhambiseka kwokulwa. 8Waza wati u‐Davide ku‐Huriya: Yihla uye endlwini yako, uhlambe inyawo zako. Kwati kwakupuma u‐Huriya endlwini yokumkani, kwapuma emva kwake isabelwa sokutya kukumkani. 9Kodwa u‐Huriya walala ngasemnyango wendlu yokumkani, ndawonye nazo zonke izicaka zenkosi yake; akehlela endlwini yake. 10Kwati kwakuxelwa ku‐Davide, kusitwa: u‐Huriya akehlelanga endlwini yake; wati u‐Davide ku‐Huriya: Ubungaveli ekuhambeni na? yinina ukuba akuhlelanga endlwini yako? 11Wayesiti u‐Huriya ku‐Davide: Ityeya, no‐Sirayeli, no‐Juda, bahleli ezintenteni; kanjalo inkosi yam u‐Jowabi, nezicaka zenkosi yam, zite waca ezindle; kanene mna ndiya kungena endlwini yam na, ndidle, ndisele, ndilale nomfazi wam? Njengokuba uhleli wena, nanjengokuba uhleli umpefumlo wako, andiyi kuyenza lento. 12Waza u‐Davide wati ku‐Huriya: Hlala apa nanamhla, ndandiya kukundulula ngomso. Kwa njalo wahlala u‐Huriya e‐Yerusaleme ngomhla lowo, nangomhla olandelayo. 13Wati akuba u‐Davide ebemmemile, wadla ebusweni bake, wasela nokusela; wada wamnxilisa: waza wapuma ngokuhlwa ukuya kulala emandlalweni wake ndawonye nezicaka zenkosi yake; kodwa akehlela endlwini yake.
14Kwaye kute kusasa, waba̔la u‐Davide incwadi ku‐Jowabi, wayituma ngesandla sika‐Huriya. 15Waba̔la encwadini leyo, esiti: Beka u‐Huriya ngasebusweni bokulwa okunamandla, nize nibuye emva kwake, ukuba abetwe, afe nokufa.
16Kwabekute, xeshekweni u‐Jowabi abegqalile isixeko, wammisa u‐Huriya kulondawo apo abesazi ukuba amadoda obuṙoti akona. 17Asuka apuma amadoda esixeko, alwa no‐Jowabi; kwaza kwawa inxenye yabantu ezicakeni zika‐Davide; wafa u‐Huriya um‐Hete naye.
18Wandula watuma u‐Jowabi, washumayela ku‐Davide zonke indawo zokulwa; 19wayalela isigidimi ngokuti: Nxa ugqibile ukuteta zonke indawo zokulwa kuye ukumkani, 20kwoti ke, ukuba umsindo wokumkani uya kuvuka, aze ati kuwe: Yinina ukuba nasondela esixekweni ukulwa? anazi na ukuba baya kutola beseludongeni? 21ngubanina owambeta u‐Abimeleki unyana ka‐Yerubeshete? ebengengumfazi na owaposa pezu kwake ilitye lapezulu lokusila kwa seludongeni, wada wafa e‐Tebetse? bekunganina ukuba nasondela kulo udonga? wandule uti: Kanjako isicaka sako, u‐Huriya um‐Hete, sifile.
22Sahamba ke isigidimi eso, seza samshumayeza u‐Davide konke u‐Jowabi abesitumile ngako. 23Saye sisiti isigidimi ku‐Davide: Ngenyaniso amadoda lawo ebenamandla pezu kwetu, apumela kuti ezindle; saye sipezu kwawo kwada kwasemnyango wesango: 24bati abatoli batola ngakuzo izicaka zako beseludongeni; yaza yafa inxenye yezicaka zokumkani; kanjako isicaka sako, u‐Huriya um‐Hete, sifile naso. 25Wandula u‐Davide wati kuso isigidimi: Uya kutsho ku‐Jowabi ukuti: Lendawo maingabi ikohlakele emehlweni ako, ngokuba iṙele lisidla naló kwa njengalowo; yomeleza ukulwa kwako ngakuso isixeko, usicite: uti wena umomeleze.
26Wati akuva umfazi ka‐Huriya ukuba u‐Huriya, indoda yake, ufile, wandula wayililela inkosi yake. 27Naxeshekweni isililo sidlulileyo, watuma u‐Davide, wamamkela endlwini yake; waza waba ngumfazi wake, wamzalela unyana.
Kodwa lendawo, abeyenzile u‐Davide, ibikohlakele emehlweni kayehova.
