Eyesibini ka‐Samyali 9

₁WAYESITI u‐Davide: Kuseko na oseleyo kwindlu ka‐Saule, ukuze ndimenzele ububele ngenxa ka‐Jonatane? ₂Kwabekuko isicaka sendlu ka‐Saule, esigama belingu‐Tsiba; baza bambiza eze ku‐Davide. Wandula ukumkani wati kuye: Wena ungu‐Tsiba na? Wayesiti: Isicaka sako singuye. ₃Waza ukumkani wati: Akuseko na umntu wendlu ka‐Saule, ukuba ndimenzele ububele bukatixo? Wati u‐Tsiba kukumkani: Kuseko unyana ka‐Jonatane, oqwalelayo ngenyawo. ₄Waza ukumkani wati kuye: Upina yena? Wati u‐Tsiba kukumkani: Bona ke, usendlwini ka‐Makire, unyana ka Hamiyeli, e‐Lo‐debare. ₅Wandula watuma ukumkani u‐Davide, wamtabata endlwini ka‐Makire, unyana ka‐Hamiyeli, e‐Lo‐debare.

₆Wati akufika u‐Mefiboshete, unyana ka‐Jonatane, unyana ka‐Saule, ku‐Davide, wandula wawa ebusweni bake, waziqubuda. Wayesiti u‐Davide: Mefiboshete! Wati yena: Nasi isicaka sako! ₇Waza u‐Davide wati kuye: Ungoyiki; ngokuba ndiya kukwenzela ububele ngenyaniso, ngenxa ka‐Jonatane uyihlo, ndibuyisele kuwe onke amasimi ka‐Saule uyihlo; nawe uya kumana ukudla isonka ngasetafileni yam. ₈Wasuka wazitoba, wati: Isicaka sako siyinto nina, ukuba ubeke kuyo inja efileyo enjengam?

₉Wandula ukumkani wambiza u‐Tsiba, isicaka sika‐Saule, wati kuye: Konke okube kukokuka‐Saule, nokwayo yonke indlu yake, ndikunikile kunyana wenkosi yako. ₁₀Ngako uya kumlimela umhlaba, wena nonyana bako, nezicaka zako, ungenise iziqa̔mo, ukuze unyana wenkosi yako abe nesonka, ukuba adle; kodwa u‐Mefiboshete, unyana wenkosi yako, womana ukudla isonka ngasetafileni yam. Kekaloku u‐Tsiba ebenonyana balishumi elinabahlanu, nezicaka zamashumi mabini. ₁₁Waza u‐Tsiba wati kukumkani: Njengako konke inkosi yam ukumkani isiyalele isicaka sayo, siya kwenje njalo isicaka sako. Kanjalo u‐Mefiboshete, watsho ukumkani, esidla ngasetafileni yam, woba njengomnye wonyana bokumkani. ₁₂Waye u‐Mefiboshete enonyana omncinane, ogama belingu‐Mika. Kanjako bonke ababehlala endlwini ka‐Tsiba, bebezizicaka kuye u‐Mefiboshete. ₁₃Kwa njalo u‐Mefiboshete wahlala e‐Yerusaleme; ngokuba ebemana ukudla ngasetafileni yokumkani: wayesisiqwala ngenyawo zake zombini.