Eyesibini incwadi ka‐Paulusi ku‐Timote 2

₁WENA ngoko nyana wam! yomelezeka elufefeni olukuye u‐Kristu Yesu. ₂Nezozinto wabuziva kum ebusweni bamanqi̔na amaninzi, zona ezi zibekele kubantu abanyanisekileyo, abo ke abaya kuba namandla okufundisa nabanye. ₃Wena ngoko nyamezela ubunzima njengesodati elilungileyo lika‐Yesu Kristu. ₄Akuko mntu ekonza njengesodati oziṙintyelayo ngemicimbi yokudliwa kwobomi; ukuze akolise lowo wamqeshayo abe lisodati. ₅Naxeshekweni kanjako kulwayo umntu ezindlalweni, akafakwa isitsaba xeshekweni angalwanga ngokwomteto. ₆Umlimi osebenzayo ufanele ukwamkela kuqala kwiziqa̔mo. ₇Qonda izinto endizitshoyo: yanga ke inkosi ingakunika ingqiqo ezintweni zonke.

₈Kumbula u‐Yesu Kristu njengokuba evusiwe ekufeni, owakuyo inzalo ka‐Davide, ngokwevangeli yam: ₉ekuyo ndibuvayo ubunzima njengomenzi wenkohlakalo kude kube zizinxibo; kodwa lona ilizwi likatixo alinxityiwe noko. ₁₀Ngenxa yoku zonke izinto ndiyazinyamezela ngenxa yabo abaqashwa, ukuze nabo bona baluzuze usindiswa olukuye u‐Kristu Yesu ndawonye nobungcwalisa obungunapakade. ₁₁Linyanisekile elilizwi: Ukuba ke safa kunye naye, siya kubudla ubomi kunye naye kanjako: ₁₂ukuba siyanyamezela, siya kupata ubukosi kunye naye kanjako: ukuba siyamkanyela, naye lowo wosikanyela tina: ₁₃ukuba asinyanisekile tina, uyahlala enyanisekile lowo noko; akangezikanyele yena.

₁₄Bakumbuze ezizinto, ubayala kunene nje pambi kwenkosi ukuba bangapikisani ngamazwi, okungenakunceda nganto, kube kukweyeliselwa kwabevayo. ₁₅Nxamela ukuzimisa kutixo ubukiwe, ungumsebenzi ongadanele nto, ulungisa ukwaneka ilizwi lenyaniso. ₁₆Kodwa ukubadaza okungengcwele kunxweme: ngokuba beya kuhambisa ngento enkulu ngakumbi ekungabedeshini; ₁₇nelizwi labo liya kudla njengesiboliso: abangabakubo ngu‐Himeneyo no‐Fileto, ₁₈abate ngayo inyaniso baposisa, besiti ukuvuka kwabafileyo sekuhlile kade, bewisa ukolo lwenxenye kanjalo. ₁₉Noko ke umsekelo ote nqi katixo umi, unaso isincamatiselo esi: Inkosi iyabazi abangabayo: nakanjako: Mabemke kokungalungileyo bonke abalikankanyayo igama lika‐Kristu. ₂₀Kodwa endlwini enkulu aziko impahla zegolide nezesilivere zodwa, ziko ezemiti nezodongwe nazo; ezinye ke zibe zezinokubekwa, nezinye zibe zezingenakubekwa. ₂₁Xeshekweni ngoko umntu azihlambululayo kwezi, uya kuba yimpahla yokubekwa, yenziwe ngcwele, nenokunceda kunene kumninindlu, ilungiselwe yonke imisebenzi elungileyo.

₂₂Kodwa inkanuko zobutsha zibaleke; uze uputume ubulungisa, ukolo, utando, uxolano nabo babizayo kwinkosi ngentliziyo ecocekileyo. ₂₃Kodwa imibuzo ebudenge ebadamekileyo yale, usazi nje ukuba iyazivelisa impikiswano. ₂₄Kanjalo isicaka senkosi asifanele ukupika; koko sifanele ukuti sibe sinokutamba ngakubo bonke, silungele ukufundisa, sinyamezela ububi, ₂₅sibaluleka ngolulamo abo babambanayo naso: ukuba umhlaumbi utixo angabanika uguquko kube kukwaziwa kwenyaniso, ₂₆baze babuye bavuke emgibeni ka‐Satane, bebanjiwe nje nguye ukwenza intando yake.