Izenzo zabapostile 1

₁INCWADI yapambili ke, Teyofilusi! ndayenza ngako konke waqalayo u‐Yesu kwa nokukwenza nokukufundisa, ₂kwada kwayimini wabenyuswa ngayo, akuba ebebayalele ngomoya oyingcwele abapostile abebanyulile: ₃abete kanjako wazityila kubo ukuba uhleli, emveni kwokuva kwake intlungu, ngezizatu eziqinileyo ezininzi, ebonakala kubo imihla yamashumi mane, eteta izinto ezingabo ubukumkani bukatixo. ₄Waza ehlanganisene nabo wabayala ukuba mabangemki e‐Yerusaleme, mabalinde isibambiso soyise, — eso, watsho yena, enisivileyo kum: ₅ngokuba u‐Johane okunene wabapitizesha ngamanzi; kodwa nina nobapitizeshwa ngomoya oyingcwele, intsuku ezingeninzi emveni kwezi.

₆Kwa njalo ke bakuba bebebutene, babuza kuye, besiti: Nkosi! ubuya ubumisele o‐Sirayeli ubukumkani ngelixesha kusinina? ₇Waza wati kubo: Asi kokwenu ukwazi amaxesha namatuba ubawo awabekileyo ngelake igunya; ₈koko niya kwamkela amandla, akuba umoya oyingcwele ehlile pezu kwenu; naniya kuba ngamanqi̔na am kwa nakuyo i‐Yerusaleme, nakuyo yonke i‐Judeya ne‐Samariya, nakude kube sekupeleni kwomhlaba.

₉Kekaloku akuba ebetshilo oku, nxa bebekangela bona, wafunqulwa, lati ilifu lamsusa emehlweni abo. ₁₀Naxeshekweni bebejongela ngasezulwini ekumkeni kwake, bona ke, amadoda amabini ebemi kufupi nabo enezivato ezimhlope; ₁₁abesitsho kanjalo ukuti: Madoda ase‐Galili! yinina ukuba nimi nikangela ezulwini? lo u‐Yesu obenyuswa kuni wasiwa ezulwini, uya kuza njalo njengokuba nimbonile esiya ezulwini.

₁₂Bandula babuyela e‐Yerusaleme bebuya entabeni e‐kutiwa yeyeminquma, emgama wehambo yesabata ukuba kufupi kwayo ne‐Yerusaleme. ₁₃Bati bakuba bengenile, benyukela enkambilini yapezulu apo bebehlala kona; kwa u‐Petrosi, no‐Yakobi, no‐Johane, no‐Andreya; u‐Filipi, no‐Tomasi; u‐Batolomeyu, no‐Mateyu; u‐Yakobi unyana ka‐Alefeyu, no‐Simone umzeloti, no‐Jude umninawe ka‐Yakobi. ₁₄Aba bonke bebezingisa ngentliziyo nye ekutandazeni nasekukungeni, kunye nabafazi no‐Mariya unina ka‐Yesu, nakunye nabazalwana bake.

₁₅Kekaloku kwezintsuku wesuka wema u‐Petrosi pakati kwabadisipile, (ngati inani lamagama abebendawonye lalilikulu linamashumi mabini,) wati: ₁₆Madoda, bazalwana! bekufanele ukuba esisiba̔lo sizaliseke, eso umoya oyingcwele wasitetayo ngapambili ngomlomo ka‐Davide, ngaye u‐Jude obengumkokeli kubo abambambayo u‐Yesu: ₁₇ekubeni ebebalwe pakati kwetu, wazuza isabiwo sobukonzi obu. ₁₈(Lo ke kekaloku watenga intsimi ngomvuzo wenkohlakalo yake; waza ewile ngentloko wacandeka pakati, ati onke amatumbu ake apalaka: ₁₉kwasuka kwazeka oku kubo bonke abebemi e‐Yerusaleme, lada labizwa igama lentsimi leyo ngokwakowabo ukuteta ngokuti yi‐Akelidama, oko kukuti yintsimi yegazi.) ₂₀Ngokuba kuba̔liwe encwadini yamaculo ukuti: Maibe indlu yake ici̔takele; makungabiko namnye ohlala kuyo: nokuti: Mabutatyatwe ngomnye ubongama bake. ₂₁Kufanelekile ngoko, ukuba iti enye yalamadoda apelekene nati lonke ixesha inkosi u‐Yesu yangena yapuma ngalo pakati kwetu, ₂₂ekuqaleni kwayo kulo ubapitizesho luka‐Johane, kwada kwayimini yabinyuswa ngayo kuti, ibe linqi̔na lokuvuka kwayo kunye nati.

₂₃Baza bamisa ababini, u‐Josefe obizwa ngo‐Barasaba, owatiywa elinye igama elingu‐Yusitusi, no‐Matiya. ₂₄Batandaza bati: Wena, Nkosi, ozaziyo intliziyo zabo bonke! bonakalisa abe mnye waba babini, lowo umnyulileyo, ₂₅ukuba atabate isabiwo sobubukonzi nobupostile, ate u‐Jude wapambuka kubo, ukuba aye endaweni yake. ₂₆Baza banika amaqashiso abo, lati iqashiso lawa pezu kwake u‐Matiya; waza wabalelelwa nabapostile abalishumi linamnye.