U‐Hamose 8

₁Yenje nje ukundibonisa inkosi e nguyehova: kekaloku nasi isitya seziqa̔mo zehlobo. ₂Yaisiti: Yinto nina uyibonayo, Hamose! Ndati: Sisitya seziqa̔mo zehlobo. Waza wati uyehova kum:

Ukupela sekufikele abantu bam o‐Sirayeli; andisayi kupinda ndidlule kubo. ₃Ingoma zendlukazi zoba zizililo ngomhla lowo, itsho inkosi e nguyehova; izidumbu zoba zininzi; kuzo zonke indawo kuya kulahlwa ngokuti tu. ₄Yivani oku, nina ninxameleyo abasweleyo! ukuze nigqibele amahlwempu elizwe, ₅nisiti: Yopela ninina inyanga etwasileyo, ukuba sitengise ngenqolowa; nesabata, ukuba sivulele inkozo? nisenza iyefa ibe ncinane, neshekele ibe nkulu, nipata ngobuxoki izilinganiselo zenkohliso: ₆ukuze sitenge amahlwempu ngemali, nabasweleyo ngesibini sezihlangu; siti namakoba enkozo sitengise ngawo.

₇Uyehova ufungile ubungcwalisa buka‐Yakobi, esiti: Ngenyaniso andisayi kulibala zonke izenzo zabo napakade! ₈Ilizwe aliyi kungcangcazela na ngenxa yoku? nabo bonke abemiyo kulo abayi kulila na? liya kunyuka lipela njengomlambo; liya kukukuliswa, lintywiliswe nokuntywiliswa, njengangawo umlambo wase‐Jipete. ₉Kwakuya kuti ngalomhla, itsho inkosi e nguyehova, ndolitshonisa ilanga emini enkulu, ndilenze ilizwe libe mnyama pakati kwemini esileyo. ₁₀Ndoyiguqula imitendeleko yenu ibe kukulila, nazo zonke ingoma zenu zibe kukukala; ndiya kunyusela pezu kwazo zonke izinqe intlakantlaka, napezu kwentloko zonke ubunqai; ndandiya kulenza ilizwe njengokulilelwa umntwana oyedwa, nokupela kwalo njengomhla oṙaṙa.

₁₁Bona ke, imihla iyeza, itsho inkosi e nguyehova, nxa ndiya kutuma indlala elizweni: ingeyeyokulanjelwa isonka, ingeyeyokunxanelwa amanzi, iyeyokuva amazwi kayehova. ₁₂Boti abantu babadule kolunye ulwandle kude kube lolunye ulwandle, nakuyo inode kude kube sempumalanga; baya kusukasuka ngokulifuna ilizwi likayehova, kanti abayi kulifumana. ₁₃Ngomhla lowo ziya kucubuka intombi zipela ezintle, namadodana, linxanwa: ₁₄abafungayo ityala le‐Samariya, batsho ukuti: Bomi botixo wako, Dane! nokuti: Bomi besiko le‐Beresheba! bowa kwa bona, bangabuyi bapakame.