U‐Danyeli 12

₁Nangexesha elo kwosuka u‐Mikaheli, lonkosi inkulu esukayo ngenxa yosapo lwabantu bako: kwobako ixesha lobunzima, ebelingezanga libeko elinjalo kuseloko kube kuko isizwe kwada kwalixesha elo: nangeloxesha baya kusindiswa abantu bako, bonke abaya kufunyanwa beba̔liwe encwadini. ₂Baye abaninzi abaleleyo elutulini lwomhlaba beya kuvuka, abanye babe sebomini obungunapakade, nabanye babe sekuhlazekeni nasekudelweni okungunapakade. ₃Abo banokuqonda bokanya njengokukazimla kwesibakabaka, nabo bakokelayo abaninzi ebulungiseni njengenkwenkwezi, kude kube ngunapakade kanapakade.

₄Kodwa wena, Danyeli! valela lamazwi, uncamatisele lencwadi, kude kube lixesha lesipelo: bosukasuka abaninzi, kuya kwandiswa ukwazi ngako.

₅Ndaza ndakangela mna Danyeli, kekaloku bona ke, kwema abanye bebabini, omnye nganeno elugudwini lwomlambo, nomnye pesheya elugudwini lwomlambo. ₆Wayesiti omnye kwindoda eyambete izivato zeqiya, ebipezu kwamanzi omlambo: Kwoba kade kangakananina kude kube kukupela kwalemimangaliso? ₇Ndaza ndeva londoda eyambete izivato zeqiya, ebipezu kwamanzi omlambo, ukuba yapakamisa esokunene isandla sake nesokohlo sake ngasezulwini, yamfunga lowo okuhlala kungunapakade ukuti: Kwoba kokwalo ixesha, amaxesha, nesiqingata sexesha; naxeshekweni agqibileyo ukucita amandla abantu abangcwele, ziya kwandula ukugqitywa ezizinto zonke.

₈Ndeva ke, koko ndingaqondanga: ndaza ndati: Nkosi yam! kwoba yinto nina ukupela kwezizinto? ₉Wayesiti: Hamba, Danyeli! ngokuba evalelwe encanyatiselwe amazwi la kude kube lixesha lesipelo. ₁₀Abaninzi baya kuhlanjululwa, benzwe mhlope, balingwe nokulingwa; kodwa abakohlakeleyo baya kwenza ngokukohlakeleyo: baye bengayi kuqonda bonke abakohlakeleyo; kodwa abalumkileyo baya kuqonda. ₁₁Nasemva kwexesha lokususwa kwedini elifuti, nelokumiswa kwento ezondekileyo ecitakalisayo, kuya kubako imihla iliwaka linamakulu mabini anamashumi alitoba. ₁₂Unetamsanqa lowo ulindayo, ofikela kuyo imihla iliwaka linamakulu matatu anamashumi matatu anesihlanu. ₁₃Kodwa wena, hamba kude kubeko isipelo; ngokuba uya kupumla, ume elifeni lako, esipelweni semihla.