U‐Danyeli 2

₁NGOWESIBINI umnyaka wobukumkani buka‐Nebukanetsare, wapupa u‐Nebukanetsare amapupa, waza waxa̔liswa umoya wake, bemka kuye nobutongo bake. ₂Wasuka watyela ukumkani ukuba makubizwe incibi, nabanyangi, nezanuse, naba‐Kaledine, ukuze bambonise ukumkani amapupa ake. Beza ke bema ebusweni bokumkani. ₃Wayesiti kubo ukumkani: Ndilipupile ipupa; kanjalo umoya wam uxa̔lele ukulazi ipupa elo.

₄Bandula bateta aba‐Kaledine kukumkani ngesi‐Siriya, besiti: Kumkani, hlala uhleli kude kube ngunapakade! Tyelela izicaka zako ipupa, nokutyilwa kwalo sokuxela.

₅Wapendula ukumkani wati kuba‐Kaledine: Indawo imkile kum; ukuba anindazisi ipupa, nokutyilwa kwalo, niya kuhlahlwa, ziti izindlu zenu zenzwe imfumba yenkunkuma. ₆Kodwa ukuba niyaxela ipupa, nokutyilwa kwalo, niya kwamkela kum amabaso, nemivuzo, nodumo olukulu; ngako oko ndixeleleni ipupa, nokutyilwa kwalo.

₇Bapendula ngokwesibini bati: Makati ukumkani azityelele izicaka zake ipupa, nokutyilwa kwalo sokuxela.

₈Wapendula ukumkani wati: Ndiyazi ngokuqinileyo ukuba ninga ningazuza ixesha, nibona nje ukuba indawo imkile kum. ₉Kodwa ukuba anindazisi ipupa, ukwa mnye umteto ngani; ngokuba amazwi abuxoki nakohlakeleyo nivumelene ukuwateta pambi kwam, kude kuguqulwe ixesha: ngako oko ndityeleleni ipupa, ndandiya kwazi ukuba ukutyilwa kwalo ningakuxela.

₁₀Bapendula aba‐Kaledine pambi kwokumkani, bati: Akuko mntu pezu kwomhlaba ongayixelayo indawo yokumkani: ngoko akuko ukumkani, nenkosi, nompati, oke wabuza into enjalo kwenye incibi, nomnyangi, nom‐Kaledine. ₁₁Ngokuba indawo ebuzwayo ngukumkani inqabile; kananjalo akuko namnye ongayixelayo pambi kwokumkani, kupela ngotixo, abakuhlala kungenaluntu.

₁₂Ngako oko waqumba ukumkani, wababama kunene, watyela ukuba makubujiswe onke amalumko ase‐Babilone. ₁₃Waza wapuma umteto wokuba amalumko abulawe: kwafunwa no‐Danyeli, namakolwane ake, ukuba babulawe.

₁₄Wandula wapendula u‐Danyeli ngobutelekelelo nangobuqiqo ku‐Ariyoki, inkosi yomlisela wokumkani, obepumile ukuya kubulala amalumko ase‐Babilone: ₁₅wapendula wati ku‐Ariyoki, igosa lokumkani: Yinina ukuba umteto unxamile kangaka ukuvela kukumkani? Wandula u‐Ariyoki wamazisa u‐Danyeli indawo. ₁₆Waza wangena u‐Danyeli, wacela kukumkani ukuba ammisele ixesha, ukuze axele ukutyilwa kukumkani.

₁₇Wandula u‐Danyeli waya endlwini yake, washumayela indawo ku‐Hananiya, naku‐Mishayeli, naku‐Hazariya, amakolwane ake; ₁₈ukuba bacele izibele kutixo wezulu ngalemfihlakalo, ukuze kungabubi u‐Danyeli namakolwane ake kunye namanye amalumko ase‐Babilone.

₁₉Yada imfihlakalo yatyilelwa u‐Danyeli ngomboniso wobusuku. Wandula u‐Danyeli wambonga utixo wezulu. ₂₀Wapendula u‐Danyeli, wati: Igama likatixo malibongwe kwa kunapakade kude kube ngunapakade; ngokuba bubobake ubulumko namandla. ₂₁Yena uyaguqula amaxesha nemizuzu; uyasusa okumkani, uyamisa okumkani kanjalo; uyanika ubulumko kwabalumkileyo, nokwazi kwabaziyo ukuqonda. ₂₂Izinto ezinzulu nezifihlakeleyo uyazityila: oko kusebumnyameni uyakwazi, nokukanya kuhleli naye. ₂₃Ndiyabulela kuwe, ndikudumise, Tixo wobawo bam! ondinikileyo ubulumko namandla, wandazisa kaloku nje oko sibe sikufuna kuwe; ngokuba nguwe osazisileyo indawo yokumkani.

₂₄Wati ngoko u‐Danyeli wangena ku‐Ariyoki, lowo abemmisele ukumkani ukuba abubise amalumko ase‐Babilone: waya watsho kuye ngokuti: Ungabubisi amalumko ase‐Babilone; ndingenise pambi kwokumkani, ndandiya kuxela ukutyilwa kukumkani. ₂₅Waza u‐Ariyoki wangenisa u‐Danyeli pambi kwokumkani ngobunxamo, watsho kuye ngokuti: Kendifumene indoda elusatsheni lwasekutinjweni kwo‐Juda, eya kumazisa ukumkani ukutyilwa.

₂₆Wapendula ukumkani wati ku‐Danyeli, ogama lingu‐Beleteshatsare: Unamandla na okuba undazise ipupa endilibonileyo, nokutyilwa kwalo?

₂₇Wapendula u‐Danyeli ebusweni bokumkani, wati: Imfihlakalo ebuzwayo ngukumkani akangeyixele amalumko, nabanyangi, nencibi, namatola, kukumkani; ₂₈kodwa kuko utixo ezulwini ozityilayo imfihlakalo, owazisile ukumkani u‐Nebukanetsare oko okuza kubako emihleni yokupela. Ipupa lako, nemiboniso yentloko yako upezu kwomandlalo wako, yiyo le: ₂₉Wena, kumkani! izicamango zako upezu kwomandlalo wako zenyuka, zicamanga oko okuya kubako emveni kwoku; nalowo ozityilayo imfihlakalo ukwazisile oko okuya kubako. ₃₀Mna ke, imfihlakalo le andityilelwe yona ngobulumko endinabo ngapezu kwabo bonke abahleliyo; koko kungenxa yokuba ukutyilwa kwaziswe kukumkani, nokuba uzazi izicamango zentliziyo yako.

₃₁Wena, kumkani! ubukangela; kekaloku nanguya umfanekiso omkulu. Lomfanekiso umkulu, onkazimlo ibiyegqitisileyo, ubumi pambi kwako; nokubonakala kwawo ubusoyikeka. ₃₂Umfanekiso lowo, intloko yawo ibiyeyegolide entle; isifuba sawo nengalo zawo zibe zizezesilivere; isisu sawo namatanga awo abengawexina; ₃₃imilenze yawo ibiyeyesincete; inyawo zawo, inxenye ibiyeyesincete, nenxenye ibiyeyodongwe. ₃₄Wabukangela kwada kwasikelwa ilitye kungeko izandla, elabeta umfanekiso lowo pezu kwenyawo zawo zesincete nodongwe, laziti viti. ₃₅Kwandula kwatiwa viti kwa kunye isincete, udongwe, ixina, isilivere, negolide, zaba njengomququ wasezibayeni zehlobo; waza umoya wazemkisa, kwada akwazifunyanelwa nanye indawo; kanti ilitye elabeta umfanekiso laba yintaba enkulu, lazalisa umhlaba wonke. ₃₆Leli ipupa; nokutyilwa kwalo siya kutyela kona pambi kwokumkani.

₃₇Wena, kumkani! ungukumkani kakumkani: ngokuba utixo wezulu ekunikile ubukumkani, nobukulu, namandla, nodumo. ₃₈Nalapo kusukuba kumiwa kona lusapo lwabantu, izilo zasendle nentaka zezulu uzinikile esandleni sako, wakwenza umpati pezu kwazo zonke. Wena ke uyintloko leyo yegolide. ₃₉Nasemveni kwako kwovuka obunye ubukumkani, bubuncinane kobako; nobunye, ubukumkani besitatu, obexina, obuya kupata ubukosi pezu kwomhlaba wonke. ₄₀Nobesine ubukumkani bona boba namandla njengesincete; ngokokuba isincete siziti viti sizikande zonke izinto: nanjengesincete, esiqekeza ezizinto zonke, boti viti buqekeze nabo. ₄₁Nokokuba wabubona inyawo namazwane, inxenye iludongwe lwombumbi, nenxenye isisincete, ubukumkani obo boba bahlukile; kodwa kuya kubako okwokwomelela kwesincete kubo, ngokokuba ububona isincete sixutyiwe nodongwe olubudaka. ₄₂Kanjalo njengokuba amazwane enyawo ebesisincete inxenye, nodongwe inxenye, kwa njalo ubukumkani obo, ngenxenye boba namandla, nangenxenye boba buqoboqobo. ₄₃Nokokuba wabubona isincete sixutyiwe nodongwe olubudaka, baya kuzixubanisa nenzalo yabantu; kanti abayi kunamatela omnye kwomnye, kwa njengokuba isincete singaxubeki nodongwe. ₄₄Nasemihleni yokumkani aba, utixo wezulu uya kumisa ubukumkani, obungayi kuza butshatyalaliswe napakade: obubukumkani abuyi kushiyelwa kwabanye abantu; buya kubuti viti obobukumkani bonke bubugqibele, kanti buya kuma bona kude kube ngunapakade; ₄₅ngokokuba ububona ukuba ilitye belisikwa entabeni kungeko izandla, nokuba laziti viti isincete, ixina, udongwe, isilivere, negolide.

Utixo omkulu umazisile ukumkani oko okuya kubako emveni kwoku: kanjalo ipupa liqinile, nokutyilwa kwalo kuyinyaniso.

₄₆Wandula ukumkani u‐Nebukanetsare wawa ngobuso bake, waziqubuda pambi kwo‐Danyeli, waxela ukuba makunikelwe kuye umnikelo wokudla namavumba amnandi. ₄₇Wapendula ukumkani ku‐Danyeli, wati: Kuyinene ukuba utixo wenu unguye utixo wotixo, nenkosi yokumkani, nomtyili wemfihlakalo, ukuba ubunamandla okuyityila imfihlakalo le.

₄₈Wandula ukumkani wamenza mkulu u‐Danyeli, wampa amabaso amakulu amaninzi, wamenza umpati pezu kwalo lonke ilizwana le‐Babilone, nenkosi enkulu pezu kwamalumko onke ase‐Babilone. ₄₉Waza u‐Danyeli wacela kukumkani, owamisa u‐Shadraki, no‐Meshaki, no‐Habedi‐nego, pezu kwemicimbi yalo ilizwana le‐Babilone; kodwa u‐Danyeli wahlala esangweni lokumkani.