I‐Duteronomi 34

₁WANDULA u‐Mosesi wenyuka ematafeni ase‐Mowabi, waya entabeni ye‐Nebo, engcopo ye‐Pisega, ngapambi kwe‐Jeriko. Waza uyehova wambonisa lonke elozwe, i‐Gileyadi kwada kwase‐Dane, ₂nalo lonke ilizwe lakwa‐Nefatali, nelizwe lakwa‐Frayime, nelakwa‐Manase, nalo lonke ilizwe lakwa‐Juda, kwada kwaselwandle lwasemva, ₃nelasesuyide, netafa lomhlambo wase‐Jeriko, isixeko semiti yepalime, kwada kwase‐Tsohare. ₄Waye uyehova esiti kuye: Eli lelozwe endandifungile ku‐Abrahame, ku‐Yisake, naku‐Yakobi, ngokuti: Ndolinika kwinzalo yako. Ndikubonisile lona ngamehlo ako, kanti akuyi kuwela ukuya kona.

₅Wada wafa kona u‐Mosesi, isicaka sikayehova, ezweni le‐Mowabi, ngelizwi likayehova. ₆Waza wamncw̔aba esihlanjeni, ezweni le‐Mowabi, malungana ne‐Betepehori; kodwa akuko mntu owaziyo incw̔aba lake kwada kwanamhla nje. ₇Waye u‐Mosesi eyiminyaka ilikulu linamashumi mabini ubudala bake, akububa: iliso lake belingeluzizi, nokwomelela kwake bekungemkile. ₈Lwaza usapo luka‐Sirayeli lwamlilela u‐Mosesi ematafeni ase‐Mowabi imihla yamashumi matatu: yada yagqitywa imihla yesililo nesijwili pezu kwo‐Mosesi.

₉Kekaloku u‐Yoshuwa, unyana ka‐Nune, ebezele ngumoya wobulumko; ngokuba u‐Mosesi ebelalisile izandla zake pezu kwake: lwaza usapo luka‐Sirayeli lwampulapula, lwenza njengokuba uyehova ebemyalele u‐Mosesi.

₁₀Kwaye kungabanga savuka umprofite kwa‐Sirayeli njengo‐Mosesi, owati uyehova wamazi ubuso ngobuso; ₁₁ngayo yonke imiqondiso nemimangaliso, owabemtuma uyehova ukuya kuyenza ezweni le‐Jipete, ku‐Faro, nakuzo zonke izicaka zake, nakulo lonke ilizwe lake; ₁₂nangaso sonke esosandla someleleyo, nangaso sonke esosoyikiso sikulu, owasenzayo u‐Mosesi emehlweni o‐Sirayeli bonke.