I‐Duteronomi 4

₁UZE kaloku, Sirayeli! upulapule kwizimiselo nakwizigwebo endinifundisayo ukuba nizenze; ukuze nipile, niye ningene nilifuye elozwe ulinika kuni uyehova, utixo woyihlo benu. ₂Aniyi kwongeza pezu kwelizwi endiniyalela ngalo, aniyi kususa kulo kanjalo; ukuze nigcine imiyalelo kayehova, utixo wenu, endiniyalela ngayo. ₃Amehlo enu abonile oko wabekwenza uyehova ngenxa yo‐Bali‐pehori: ngokuba onke lomadoda abelandela u‐Bali‐pehori, wona uyehova, utixo wako, uwatshabalalisile pakati kwenu. ₄Kanti nina enibe ninamatela kuye uyehova, utixo wenu, nipilile nonke namhla nje.

₅Kangela, ndinifundisile izimiselo nezigwebo, njengokuba ndiyalelwe nguyehova, utixo wam, ukuba nenze ngokunjalo pakati kwelizwe, apo niya kona ukulifuya. ₆Zigcineni ngoko, nizenze: ngokuba oku kuya kuba bubulumko benu nengqondo yenu emehlweni entlanga, eziya kuziva zonke ezizimiselo, ziti: Ngabantu abalumkileyo nabanengqondo oluhlanga lukulu kupela! ₇Ngokuba lulupina uhlanga olukulu olunaye utixo ekufupi kulo, njengoyehova, utixo wetu, ngako konke esimbizelayo? ₈Kanjalo lulupina uhlanga olukulu olunazo izimiselo nezigwebo ezilungileyo kangaka, njengawo wonke lomteto endiwubeka pambi kwenu namhla nje?

₉Kodwa zilumkele ke, uwugcine umpefumlo wako kunene, ukuba ungalibali ezozinto amehlo ako azibonileyo, nokuba zingemki entliziyweni yako yonke imihla yokudla kwako ubomi: uze uzazise kubantwana bako, nakubantwana babantwana bako. ₁₀Umhla obumi ngawo ebusweni bukayehova, utixo wako, e‐Horebe, akuti uyehova kum: Bahlanganisele kum abantu aba, ndandiya kubavisa amazwi am, ukuba bafunde ukundoyika yonke imihla abaya kubudla ubomi ngayo pezu kwomhlaba, nokuba bafundise abantwana babo; ₁₁naza nasondela nema ngapantsi kwentaba leyo; yati ke intaba yatsha ngomlilo kude kwapakati kwezulu, kunye nobumnyama, namafu, nesitokotoko; ₁₂wandula wateta uyehova kuni epakati kwomlilo: ilizwi lamazwi naliva, kanti isimilo naningasiboni; neva ilizwi kwapela. ₁₃Waza waxela kuni ucebano lwake, owaniyalelayo ukuba nilwenze, amazwi alishumi; wawaba̔la pezu kwamacwecwe amatye amabini. ₁₄Nam uyehova wandiyalela ngeloxesha, ukuba ndinifundise izimiselo nezigwebo; ukuze nizenze kwelozwe eniwelela kona ukuya kulifuya.

₁₅Zilumkeleni kunene ngoko: ngokuba beningasiboni nasinye isimilo ngomhla wabeteta uyehova kuni e‐Horebe epakati kwomlilo: ₁₆hleze nizonakalise, nizenzele into eqingqiweyo, isimilo somnye umfanekiso, imfano yendoda umhlaumbi yenkazana, ₁₇imfano yesinye isilo esisemhlabeni, imfano yenye intaka enamapiko epapazelayo ezulwini, ₁₈imfano yenye into enambuzelayo pezu kwomhlaba, imfano yenye intlanzi esemanzini ngapantsi kwomhlaba: ₁₉hleze kanjalo upakamise amehlo ako ngasezulwini, uti, wakubona ilanga, nenyanga, nenkwenkwezi, wonke umkosi wasezulwini, ukukuliswe ukuba uqubude kuzo, nokuba uzikonze, ezonto uyehova, utixo wako, uzabele kuzo zonke intlanga ezipantsi kwalo lonke izulu. ₂₀Kanti nina unitabatile uyehova, wanikupa kuso isidlangalala sesincete, kuyo i‐Jipete, ukuba nibe ngabantu belifa kuye, njengokuba kunjalo namhla nje.

₂₁Kanjako uyehova wabendiqumbela ngendawo yenu, wafunga ukuba andiyi kuwela i‐Yoredane, nokuba andiyi kungena kwelozwe lilungileyo, olipiwayo nguyehova, utixo wako, libe lilifa. ₂₂Ngokuba ndiya kufa mna kwelilizwe apa, ndingayi kuwela i‐Yoredane; kanti nina niya kuwela, nilifuye elolizwe lilungileyo.

₂₃Zilumkeleni ke, hleze nilibale ucebano lukayehova, utixo wenu, alwenzileyo nani, nize nizenzele umfanekiso oqingqiweyo, imfano yenye into akuyalile ngayo uyehova, utixo wako. ₂₄Ngokuba uyehova, utixo wako, engumlilo odlayo, e ngutixo onekwele.

₂₅Xeshikweni uya kuzala abantwana, nabantwana babantwana, nide nihlale kade elizweni, nandule nizonakalise, nenze umfanekiso oqingqiweyo, imfano yenye into, nenze okubi emehlweni kayehova, utixo wako, ukumqumbisa; ₂₆ndiyanqi̔nisa ngakuni namhla nje izulu nomhlaba, ukuba niya kugqibela ukububa kamsinyane emhlabeni, eniwelayo i‐Yoredane ukuya kona, ukuba niwufuye; aniyi kwolula imihla pezu kwawo, koko niya kutshatyalaliswa kanye. ₂₇Kanjalo uyehova woniti sa pakati kwentlanga; naniya kushiywa nibancinane inani lenu pakati kwabaheyideni, apo uyehova aya kuniqu̔bela kona. ₂₈Naniya kukonza apo otixo, umsebenzi wezandla zabantu, imiti namatye, abangaboniyo, abangevayo, abangadliyo, abangasezeliyo.

₂₉Kodwa wakufuna kwa kona uyehova, utixo wako, uya kwandula ukumfumana, nxa umbuzayo ngayo yonke intliziyo yako, nangawo wonke umpefumlo wako. ₃₀Nxa usebunzimeni, nanxa zonke ezizinto zikufumene, emihleni yasemva, ukuba uya kubuyela kuyehova, utixo wako, upulapule elizwini lake; ₃₁(ngokuba e ngutixo onenceba, uyehova, utixo wako;) akasayi kukuyeka, akasayi kukububisa kanjako; nocebano lwoyihlo bako, owabebafungela ngalo, akasayi kululibala.

₃₂Ngokuba, uke ubuze kwimihla yamatanci, ebiko pambili kuwe, kuselokwalomhla wadalayo utixo abantu pezu kwomhlaba, nakwenye incam yezulu kude kube kwenye incam yezulu, ukuba kekwabako na okunjengayo into enkulu le, umhlaumbi ukuba kekwaviwa na okufana nayo? ₃₃Kuko abantu na abake baliva ilizwi likatixo, eteta pakati kwomlilo, njengokuba uvile wena, bapila ke? ₃₄Umhlaumbi kewalinga na utixo ukuya kuzitabatela uhlanga kwa pakati kwohlanga olunye, ngezilingelo, ngemiqondiso, nangemimangaliso, nangemfazwe, nangesandla esomeleleyo, nangengalo eyolulweyo, nangezoyikiso ezikulu, njengako konke abekwenzela nina uyehova, utixo wenu, e‐Jipete pambi kwamehlo enu? ₃₅Kwabonakaliswa kuwe ke, ukuze ukwazi okokuba uyehova unguye utixo; akuko namnye ngapandle kwake. ₃₆Kwa sezulwini wakuvisa ilizwi lake, ukuze akululeke; napezu kwomhlaba wakubonisa umlilo wake omkulu; namazwi ake waweva epakati kwomlilo. ₃₇Nangenxa yokuba ebetanda oyihlo bako, kukona waqashayo inzalo yabo emva kwabo, wakupumisa e‐Jipete pantsi kwobuso bake ngamandla ake amakulu; ₃₈ukuya kugqogqa intlanga ezizezinkulu nezinamandla ngapezu kwako ebusweni bako, ukuba akungenise, akupe ilizwe lazo libe lilifa, njengokuba kunjalo namhla nje.

₃₉Yazi ke ngoko namhla nje, ukumbule entliziyweni yako, ukuba uyehova unguye utixo, ezulwini pezulu, nasemhlabeni ngapantsi; akuko wumbi. ₄₀Ngako uya kugcina imimiselo yake, nemiyalelo yake, endikuyalelayo namhla nje, ukuba kulunge kuwe nakubantwana bako emva kwako, nokuba wolule imihla pezu kwomhlaba, owupiwayo nguyehova, utixo wako, kude kube ngunapakade.

₄₁WANDULA wahlula u‐Mosesi izixeko ezitatu, nganeno kwe‐Yoredane ngasekupumeni kwelanga; ₄₂ukuba kusabele kona umbulali, obulalayo ummelwane wake engazi ke, kwa lowo angamtiyanga ngexesha lapambili; ukuze ati, esabela kwesinye sezixeko ezi, andule apile: ₄₃i‐Betsere esentlango, ezweni elibutafa, ibe sesama‐Rubene; ne‐Ramote ese‐Gileyadi, ibe sesama‐Gadi; ne‐Golane ese‐Bashane, ibe sesama‐Manase.

₄₄KEKALOKU nguwo lo umteto owawubeka u‐Mosesi pambi kwosapo luka‐Sirayeli: ₄₅zizo ezi izinqi̔nelo, nezimiselo, nezigwebo, owabeziteta u‐Mosesi elusatsheni luka‐Sirayeli, lwakuba lupumile e‐Jipete, ₄₆nganeno kwe‐Yoredane, esihlanjeni malungana ne‐Bete‐pehori, ezweni lika‐Sihone ukumkani waba‐Amori, owahlala e‐Heshebone, lowo owabetwayo ngu‐Mosesi nosapo luka‐Sirayeli, lwakuba lupumile e‐Jipete: ₄₇olwabamba ilizwe lake nelizwe lika‐Hogi ukumkani we‐Bashane, okumkani ababini baba‐Amori, abebenganeno kwe‐Yoredane ngasekupumeni kwelanga; ₄₈kwa kuyo i‐Harohere, eselunxwemeni lwomlambo we‐Arenone, kude kwasentabeni ye‐Siyone, ekwa yiyo i‐Heremone; ₄₉nalo lonke itafa nganeno kwe‐Yoredane ngasempumalanga, nakude kwaselwandle lwasetafeni, ngapantsi kwemifula yase‐Pisega.