I‐Kesodusi 21

₁Kekaloku zizo ezi izigwebo oya kuzibeka pambi kwabo.

₂Nxa utengayo isicaka esingum‐Hebere, siya kukonza iminyaka ibe mitandatu; kodwa ngowesixe̔nxe sopuma sikululekile ngesisa. ₃Ukuba seza ngesiqu saso, sopuma ngesiqu saso; ukuba besiyindoda enomfazi, uya kupuma umfazi waso kwa naso. ₄Ukuba inkosi yaso isinikile umfazi, osizalele onyana, umhlaumbi intombi, umfazi lowo nabantwana bake boba ngabenkosi yake, sipume sona ngesiqu saso. ₅Kodwa ukuba isicaka eso soqinisa ukuti: Ndiyatanda inkosi yam, nomfazi wam, nabantwana bam, andiyi kupuma ndikululekile; ₆yoti inkosi yaso isisondeze kubagwebi; ibuye isisondeze naselucangweni, umhlaumbi emgubasini; ize inkosi yaso icumbuze indlebe yaso ngenyatyowa, sasiya kuyikonza kude kube ngunapakade.

₇Naxeshekweni umntu atengisa ngayo intombi yake ibe sisicakakazi, asiyi kupuma sona njengokupuma kwezicaka ezingamadoda. ₈Ukuba siba sibi emehlweni enkosi yaso, esixamele yona, iya kwandula isikululise: ayiyi kuba nagunya okusitengisa ebantwini basemzini, ngokuba isipete ngenkohliso. ₉Nokuba isixamele unyana wayo, iya kusenzela njengesiko lentombi. ₁₀Ukuba iyamtabatela omnye umfazi, ayiyi kuncipisa ukutya kwaso, nesivato saso, nebango laso lokutshata. ₁₁Nokuba ayisenzeli ezizinto zontatu, siya kupuma ngesisa, kungeko imali.

₁₂Obetayo umntu, ade afe, uya kufiswa ngenyaniso. ₁₃Kanti lowo ongamlalelanga, koko utixo emyekelele esandleni sake, ndokumisela indawo apo aya kusabela kona. ₁₄Kodwa xeshekweni umntu enza ngenkani ngakuye ummelwane wake, ukuba ambulale ngobuqinga, uya kumsusa esibingelweni sam, aze afe. ₁₅Nobetayo uyise, umhlaumbi unina, uya kufiswa ngenyaniso.

₁₆Kanjalo oba̔yo umntu, nokuba uyatengisa ngaye, nokuba uyafunyanwa esandleni sake, uya kufiswa ngenyaniso.

₁₇Notukayo uyise, umhlaumbi unina, uya kufiswa ngenyaniso.

₁₈Naxeshekweni amadoda apikisana, ize enye ibete enye ngelitye, umhlaumbi ngesandla esifunjatiweyo, iti ke yona ingafi, koko ilele pezu kwomandlalo: ₁₉ukuba iyabuya ivuke, ihambe pandle ngomsimelelo wayo, ayiyi kuba natyala leyo eyayibetayo; kupela iya kuhlaulela ixesha lokupumla kwayo, yenze nokuba igqibele ukupoliswa.

₂₀Nxa, kanjalo, umntu abeta isicaka sake, umhlaumbi isicakakazi sake, ngentonga, side sife ngapantsi kwesandla sake, kwopindezelwa ke ngenyaniso. ₂₁Kodwa ukuba sisahlala umhla mnye, umhlaumbi imihla mibini, akuyi kupindezelwa; ngokuba siyimali yake sona.

₂₂Xeshekweni amadoda angxolisana, asunduze umfazi omitiyo, size sipume isisu sake, koko kungeko kwenzakala, uya kuhlauliswa ngenyaniso owenje njalo, njengokuba iya kubeka pezu kwake indoda yalomfazi; uya kuhlaula pambi kwabagwebi. ₂₃Kodwa ukuba kuko ukwenzakala, uya kwandul’ ukunika ubomi ngenxa yobomi, ₂₄iliso ngenxa yeliso, izinyo ngenxa yezinyo, isandla ngenxa yesandla, unyawo ngenxa yonyawo, ₂₅isitshiswa ngenxa yesitshiswa, inxeba ngenxa yenxeba, umvimbo ngenxa yomvimbo.

₂₆Naxeshekweni umntu abeta iliso lesicaka sake, umhlaumbi iliso lesicakakazi sake, alitshabalalise, uya kusindulula sikululekile ngenxa yeliso laso. ₂₇Kanjalo ukuba uyawisa izinyo lesicaka sake, umhlaumbi izinyo lesicakakazi sake, uya kusindulula sikululekile ngenxa yezinyo laso.

₂₈Xeshekweni inkabi inqubayo indoda, umhlaumbi inkazana, ide ife, inkabi leyo yogityiselwa ngamatye ngenyaniso, nenyama yayo ayiyi kudliwa; kanti umnini wenkabi akayi kuba natyala. ₂₉Kodwa ukuba inkabi ibiyenqubayo ngexesha lapambili, nokuba kunqi̔nelwe umniniyo, kanti akayigcinanga noko, yaza yafisa indoda, umhlaumbi inkazana, inkabi leyo yogityiselwa ngamatye, nomniniyo uya kufiswa naye. ₃₀Ukuba ubekelwe intlaulo, uya kunikela inkululwa yobomi bake njengokubekiweyo pezu kwake. ₃₁Nokuba inqubile unyana, nokuba inqubile intombi, kuya kwenziwa kuye njengalomgwebo. ₃₂Ukuba inkabi iya kunquba isicaka, umhlaumbi isicakakazi, uya kunika inkosi yaso ishekele zesilivere zibe ngamashumi matatu, nenkabi iya kugityiselwa ngamatye.

₃₃Kanjalo xeshekweni umntu aya kuvumbulula umnxuma, umhlaumbi xeshekweni umntu aya kumba umnxuma, kanti akawugubungeli, ize yeyele kona inkabi, umhlaumbi iqwaṙashe; ₃₄umnini womnxuma uya kubuyekeza, anike imali kumniniyo; kanti into efileyo yoba yeyake.

₃₅Naxeshekweni inkabi yomnye umntu ihlabayo inkabi yomnye, ide ife, baya kutengisa ngayo inkabi epilileyo, baqingatise imali yayo; nefileyo baya kuqingatisa yona nayo. ₃₆Ukuba kodwa kuyaziwa ukuba lonkabi ibiyenqubayo ngexesha lapambili, nokuba umniniyo akayigcinanga noko, uya kubuyekeza inkabi ngenxa yenkabi; kanti efileyo yoba yeyake.