I‐Kesodusi 4

₁Wapendula u‐Mosesi wati: Kodwa, bona ke, abayi kukolwa ndim, abayi kupulapula ilizwi lam kanjalo: ngokuba beya kuti: Akabonakalanga kuwe uyehova.

₂Waza wati uyehova kuye: Yinto nina leyo isesandleni sako? Wati: Yintonga. ₃Wayesiti: Yipose emhlabeni. Wayiposa ke emhlabeni, yaza yaba yinyoka; wasuka u‐Mosesi wabaleka ebusweni bayo. ₄Wandul’ ukuti uyehova ku‐Mosesi: Yolula isandla sako, uyinqakule ngomsila wayo. Waza wasolula isandla sake, wayibamba; yabuya yaba yintonga esandleni sake. ₅Uya kwenje njalo ke, ukuze bakolwe ukuba ubonakele kuwe uyehova, utixo woyise babo, utixo ka‐Abrahame, utixo ka‐Yisake, notixo ka‐Yakobi.

₆Wabuya wati uyehova kuye: Uze kaloku ufake isandla sako esifubeni sako. Waza wafaka isandla sake esifubeni sake; kekaloku akusikupa, nasi isandla sake sinesilepero simhlope njengengqweqwe. ₇Wayesiti: Sibuyisele esifubeni sako isandla sako. Waza wabuyisela esifubeni sake isandla sake; kekaloku akusikupa esifubeni sake, nasi ke siguqulwe saba njengenyama yake enye. ₈Kwakuya kuti, ukuba abakolwa nguwe, nokuba abapulapuli ilizwi lowokuqala umqondiso, bokolwa lilizwi lomqondiso wasemva. ₉Kwoti kodwa, ukuba abakolwa yiyo nalemiqondiso yomibini, nokuba abapulapuli ilizwi lako, wandule ucapule emanzini omlambo, uwagalele emhlabeni; aeya kuti amanzi lawo uwacapula emlanjeni abe ligazi pezu kwomhlaba.

₁₀Waza wati u‐Mosesi kuyehova: Ke, Nkosi! andinguye oliciko, kwa nexesha lapambili, nakuseloko utetileyo nesicaka sako; ngokuba ndingomlomo unzima, nolulwimi lukwa nzima.

₁₁Waye uyehova esiti kuye: Ngubanina omenzele umntu umlomo? ngubanina owenza isidenge, nesitulu, nobonayo, nemfama? asi ndim Yehova yinina? ₁₂Ize uhambe ke, ndandiya kuba nawo umlomo wako, ndikufundise into uya kuteta yona.

₁₃Koko wati: Ke, Nkosi! mauke utume ngesandla salowo uya kumtuma.

₁₄Yaza yavuta ingqumbo kayehova ngakuye u‐Mosesi, wati: u‐Arone um‐Levi asi nguye umkuluwe wako na? Ndiyazi ukuba uyacikoza ukuteta yena. Kananjalo, bona ke, seleya kupuma ukuza kukukaulela; ati akukubona, avuye intliziyo yake. ₁₅Wauya kuteta kuye, ubeke amazwi emlonyeni wake; ndoti mna ndibe kunye nomlomo wako, nakunye nomlomo wake, ndinifundise oko niya kwenza kona. ₁₆Waye yena eya kukutetela ebantwini; kuze kuti ke, abe yena enjengomlomo kuwe, ube wena unjengo tixo kuye. ₁₇Nalentonga uyitabate esandleni sako, oya kuyenza ngayo imiqondiso.

₁₈Usuke wahamba u‐Mosesi, wabuyela ku‐Yetero usomfazi wake, wati kuye: Makendihambe ke, ndibuye ndiye kubazalwana bam abase‐Jipete, ndize ndibone ukuba basahleli na. Waza wati u‐Yetero ku‐Mosesi: Hamba ke ngoxolo.

₁₉Wabuya wati uyehova ku‐Mosesi e‐Midiyane: Hamba, ubuyele e‐Jipete; ngokuba selefile onke lomadoda abefuna ubomi bako. ₂₀Waza u‐Mosesi watabata umfazi wake, nonyana bake, wabakwelisa eqwaṙasheni, wabuyela ezweni le‐Jipete; wayitabata u‐Mosesi nentonga katixo esandleni sake. ₂₁Wayesiti uyehova ku‐Mosesi: Ekuhambeni kwako ukuya kubuyela e‐Jipete, lumka ke ukuba yonke imimangaliso endiyibekileyo esandleni sako uyenze ebusweni buka‐Faro; koko ndiya kugwenxisa intliziyo yake, ukuba akayi kubandulula abantu. ₂₂Wauya kuti ku‐Faro: Utsho uyehova ukuti: Unyana wam, owamazibulo wam, ngu‐Sirayeli. ₂₃Enditi kuwe: Mndulule unyana wam, ukuze andikonze: ukuba kanti uyala ukumndulula, bona ke, ndiya kubulala unyana wako, kwa owamazibulo wako.

₂₄Kwaye kute endleleni, endaweni yokulalisa, uyehova wahlangana naye, wafuna ukumbubisa. ₂₅Waza u‐Tsipora watabata ilitye elibukali, wasika ijwabu lonyana wake, waliposa ezinyaweni zake, wati: Ngenyaniso ungumyeni wegazi wena kum. ₂₆Wandula ukumyeka. Oko wati: Umyeni wegazi unguwe! ngenxa yokwaluka.

₂₇Wayesiti uyehova ku‐Arone: Hamba, uye kukaulela u‐Mosesi entlango. Wasuka waya, wahlangana naye entabeni katixo, wamanga. ₂₈Waye u‐Mosesi waxela ku‐Arone onke amazwi kayehova obemtumile, nayo yonke imiqondiso abemyalele ngayo.

₂₉Waza wahamba u‐Mosesi no‐Arone, baya bahlanganisa bonke abadala bosapo luka‐Sirayeli. ₃₀Waye u‐Arone wateta onke amazwi abetetile wona uyehova ku‐Mosesi; wayenza nemiqondiso emehlweni abantu. ₃₁Baza abantu bakolwa; abati bakuba bevile okokuba uyehova ukumbule usapo luka‐Sirayeli, nokuba ukangele ubunzima babo, bandula batoba ngapantsi babedesha.