Incwadi ka‐Paulusi kuma‐Galati 6

₁BAZALWANA! xeshekweni umntu aka abaqelwe sisiposo, yitini nina ninga bomoya nilungise onjalo emoyeni wolulamo; wena uzigqala nje, hleze nawe uzingwe. ₂Twalani omnye ubunzima bomnye, niti ngokunjalo niwufeze umteto ka‐Kristu. ₃Ngokuba umntu ukuba uba uyinto, nxa angento, ekohlisa eyake intliziyo. ₄Kodwa bonke ngabanye mabalinge owabo umsebenzi, baye beya kuti oko babe nako bangaqa̔yisayo ngako kokwabo bodwa, kungekokwabanye abantu. ₅Ngokuba bonke ngabanye beya kutwala owabo umtwalo.

₆Kodwa makati lowo ufundiswayo ilizwi abelane nalowo ufundisayo kuzo zonke izinto ezilungileyo. ₇Ize ningakohliswa ke: utixo akanakuhlekwa; ngokuba oko asukuba ekuhlwayela umntu, kona oku uya kukuvuna kanjalo. ₈Kuba ohlwayelelayo eyake inyama eya kuti kwa kuyo inyama avune ulwonakalo: kodwa ohlwayelelayo umoya woti kwa kuye umoya avune ubomi obungunapakade. ₉Kodwa masingadinwa sisenza okulungileyo; ngokuba siya kuti ngexesha elifanelekileyo sivune, ukuba kaloku asicubuki. ₁₀Ngako ke, njengokuba sinalo ituba, masenze oko kulungileyo kubo bonke, kube kakulu kodwa kubo abangabendlu yokolo.

₁₁BONANI amagama amakulu kangakanana endiba̔lileyo ngawo kuni ngesam isandla. ₁₂Bonke abafunayo ukwenza ukubonakala okuhle enyameni, bona aba bayaninyanzela ukwaluka; kukodwa ukuze bangatshutshiselwa ikuruse ka‐Kristu. ₁₃Ngokuba kwa bona abalukayo bengabambi umteto ngokwabo; koko befuna ukuba nina naluke, ukuze baqa̔yise enyameni yenu. ₁₄Kodwa makube le kum ukuba ndiqa̔yise, kupela ndiqa̔yise ekuruseni yenkosi yetu u‐Yesu Kristu, ekungaye ilizwe likuruseshiwe kum, nam ndikuruseshiwe kwilizwe. ₁₅Ngokuba kuye u‐Kristu Yesu kungekukwaluka okunamandla nganto, kungekukungaluki nakanjako, kusisidalwa esitsha. ₁₆Nabo bonke abahambayo ngalommiso, uxolo malube pezu kwabo, nobubele, napezu kwobu‐Sirayeli bukatixo.

₁₇Kaloku makungabi sabiko mntu ondikatazayo: ngokuba mna ndizitwala izibanda zenkosi u‐Yesu emzimbeni wam.

₁₈Ufefe lwenkosi yetu u‐Yesu Kristu malube nomoya wenu, bazalwana! Amene.