Incwadi ka‐Paulusi kuma‐Hebere 1

₁NGEZAHLULO ezininzi nangendawo ezininzi etetile nje utixo kudala kubo obawo ngabo abaprofite, ₂ute kulemihla yokugqibela wateta kuti ngonyana, ammisileyo ukuba yindlalifa yezinto zonke, okungaye kanjalo wawenza amazwe akoyo: ₃owati, eyinkazimlo yobungcwalisa bake nemfano yesiqu sake, epata nokupata zonke izinto ngelizwi lamandla ake, eyenzile ngokwake nje intlanjululwa yezono zetu, wahlala pantsi ngasekunene kwobukulukazi enyangweni yapezulu; ₄egqitisile ngokunjalo kuzo ingelosi, njengoko alizuzileyo ngelifa igama elidluliseleyo ngapezu kwazo.

₅Ngokuba kwiyipina yazo ingelosi ebeka watsho ukuti: Ungunyana wam wena, ndikuzele namhla nje? nakanjako: Mna ndiya kuba nguyise kuye, naye woba ngunyana kum? ₆Naxeshekweni kanjako amngenisayo umzalwa‐tanci elizweni, uti: Mazimbedeshe yena zonke ingelosi zikatixo. ₇Nangazo ingelosi uti: Owenza ingelosi zake umoya, nabakonzi bake ilangatye lomlilo. ₈Kodwa ngaye unyana kutshiwo ukuti: Iterone yako, Tixo! yohlala kude kube ngunapakade kanapakade; intonga yobukumkani bako yintonga yokulunga; ₉utandile ubulungisa, watiya inkohlakalo; ngako oko utixo, kwa utixo wako, wakutambisa ngeoli yovuyo ngapezu kwamakolwane ako. ₁₀Nokuti: Wena kwa sekuqalekeni, Nkosi! wabeka ukuseka kwomhlaba: namazulu angumsebenzi wezandla zako: ₁₁zotshabalala zona, kodwa wena uhlala uko; ewe zonke ziya kuguga njengengubo; ₁₂wauya kuzisonga njengesivato, zaziya kuguqulwa ke: kanti wena ukwa nguwe; neminyaka yako ayisayi kupela.

₁₃Kodwa kwiyipina yazo ingelosi uke watsho ukuti: Hlala ngasekunene kum, ndide ndenze intshaba zako zibe sisitulo senyawo zako? ₁₄Zona zonke azingomoya abakonzayo na, betunyelwa ukwenza inkonzo ngenxa yabo abaya kuzuza usindiso?