Incwadi ka‐Paulusi kuma‐Hebere 11

₁KEKALOKU ukolo lusisiqiniso sezinto ezitenjwayo, lusisiboniso sendawo ezingabonwayo. ₂Ngokuba kulo olu abadala bebenqi̔nelwe kakuhle.

₃Ngalo ukolo siyaqonda ukuba kudaliwe amazwe akoyo ngelizwi likatixo, zide zati izinto ezibonwayo azavela kwizinto ezibonakalayo.

₄Ngalo ukolo u‐Abele walinikela kutixo idini elikulu ngakumbi ngapezu kwo‐Kayine, ekungalo wanqi̔nelwa ukuba ulungile, utixo eyinqi̔nela nje iminikelo yake: kanjako kwa ngalo, nakuba efile, usateta.

₅Ngalo ukolo u‐Enoki wasuswa ukuba angakuboni ukufa; waza akwafunyanwa, ngenxa yokuba utixo ebemsusile; ngokuba engekasuswa ebenqi̔nelwa ukuba ukolisile utixo. ₆Kodwa ngapandle kwokolo akwenzeki ukumkolisa: ngokuba lowo usondelayo kutixo efanele ukukolwa kukuba uko, nokuba uba ngumvuzi wabo bamfunayo.

₇Ngalo ukolo u‐Nowa, akuyalwa ngutixo ngezinto ezingekabonwayo, wati ngokwoyika walungisela ukusindiswa kwendlu yake inqanawa; abete ngayo wagweba ilizwe, waza waba yindlalifa yobulungisa obungokwokolo.

₈Ngalo ukolo wapulapula u‐Abrahame, akubizwa ukuba apume aye kulondawo ubeya kuda ayamkele ibe lilifa; wapuma ke, engazi kakulu apo aya kona. ₉Ngalo ukolo wapambukela ezweni ledinga, njengakwelabasemzini, emi ezintenteni ndawonye no‐Yisake no‐Yakobi, abebezindlalifa kunye naye zedinga elikwa lilo lona: ₁₀ngokuba ebekangela esosixeko sinemisekelo, esimaki nome?-?enzi ngutixo.

₁₁Ngalo ukolo kwa naye u‐Sara wamkela amandla okukaula, waza wazala seligqitile nje ixesha elifanelekileyo lobudala, ekubeni waba unyanisekile lowo owabeka idinga. ₁₂Ngako oko kwavela kwa kuyo indoda nye, ebifile ke nakanjako, abanjengenkwenkwezi zezulu ukuba baninzi, nanjengentlabati eselunxwemeni lwolwandle engenakubalwa.

₁₃Aba bonke bafa beselukolweni, bengakwamkelanga nje ukufezwa kwamadinga, koko bawabonayo ekude, bakolwa ngawo, bawabulisa, baxela ukuba bangabasemzini nabaṙanukeli emhlabeni. ₁₄Ngokuba abo bateta into ezinjalo, bebonakalisa ekuhleni ukuba bayalifuna ilizwe lakowabo. ₁₅Kanti ukuba ke bebekumbula elo bapuma kulo, ngebeba bezuzile ituba lokubuya. ₁₆Kaloku kodwa bayalinqwenela elilungileyo ngakumbi, oko kukuti, elasezulwini. Ngako oko utixo akanantloni ngabo ukuba abizwe ngotixo wabo: ngokuba ebalungisele isixeko.

₁₇Ngalo ukolo ute u‐Abrahame ekulingweni kwake wamnikela u‐Yisake, waza lowo ubezamkelele amadinga wamnikela okupela kwonyana wake, ₁₈obekutshiwo ngaye ukuti: Ku‐Yisake iya kubizwa inzalo yako; ₁₉etelekelelisa ukuba utixo unamandla okumvusa nakwabafileyo, owayete kanjalo ngomfanekiselo wabuya wamamkela kwa kona.

₂₀Ngalo ukolo u‐Yisake watamsanqela u‐Yakobi no‐Esau ngezinto eziza kuza.

₂₁Ngalo ukolo u‐Yakobi ekufeni kwake watamsanqela onyana baka‐Josefe bobabini; waza wazitoba pezu kwencam yomsimelelo wake.

₂₂Ngalo ukolo u‐Josefe akuza kufa wakankanya ukupuma kwosapo luka‐Sirayeli, wayalela ngamatambo ake.

₂₃Ngalo ukolo u‐Mosesi, akuba ebezelwe, wafihlwa ngoyise inyanga zantatu, ngenxa yokuba babona umntwana ukuba umhle; aboyika ummiso wokumkani kanjalo.

₂₄Ngalo ukolo u‐Mosesi, akuba ebekulile, wala ukubizwa ngonyana wentombi ka‐Faro; ₂₅eqasha ngakumbi ukupatwa kakubi kunye nabantu bakatixo, ngapezu kwokuba nobuyolo besono obuhlala mzuzu kodwa; ₂₆ebala isitukelwa sika‐Kristu ukuba sibubutyebi obukulu kwindyebo zase‐Jipete: ngokuba ebekangela ngakuwo umvuzo. ₂₇Ngalo ukolo wayishiya i‐Jipete, engoyikanga nje umsindo wokumkani; ngokuba wazingisayo, njengokuba ebona lowo ungabonekiyo. ₂₈Ngalo ukolo wayenza ipasika nokutshizwa kwegazi, ukuze lowo ubetshabalalisa amazibulo angabacu̔kumisi.

₂₉Ngalo ukolo bacanda ulwandle olubomvu njengokuba kudlulwa emhlabeni owomileyo; ati ama‐Jipete akulinga ukwenje njalo antywiliswa.

₃₀Ngalo ukolo indonga ze‐Jeriko zawa, zakuba zibe zingqongiwe imini zasixe̔nxe.

₃₁Ngalo ukolo u‐Rakabi umpinyiswa akabuba kunye nabo babengakolwanga, akuba ebezamkele intlola ngoxolo.

₃₂Ndize ndalekele ukuti nina ke? Ngokuba ixesha liya kundiswelela ukuba ndiyabalisa ngaye u‐Gideyone, no‐Baraki no‐Samsone, no‐Jefeta, no‐Davide, no‐Samyali, nabaprofite: ₃₃abati ngalo ukolo boyisa izikumkani, benza ubulungisa, bazuza ukufezwa kwamadinga, bavingca imilomo yengonyama, ₃₄bacima amandla omlilo, basinda uhlangoti lweṙele, bomelezeka bepuma ebutatakeni, baba buṙoti ekulweni, baci̔ta imikosi yabasemzini. ₃₅Abafazi babuya bamkela abafi babo ngokuvuka kwabo. Bati ke abanye bolulelwa ukubulawa, bekwalile nje ukukululwa, ukuze bazuze ukuvuka okulungileyo ngakumbi: ₃₆bati nabanye beva ukuhlekwa nokubetwa, napezu kwoko ukunxitywa nokufakwa entolongweni; ₃₇bagityiselwa ngamatye, basikwa kubini ngesaṙa, bazingwa, bafa ngokubulawa liṙele; bahambahamba benezintsu zegusha, benezintsu zebokwe, besekusweleni, bebandezelwa, bepatwa kakubi; ₃₈(elalibe ilizwe lingabafanele;) bedungudela ezintlango, nasezintabeni, nasemiqolombeni, naseminxunyeni yomhlaba.

₃₉Kekaloku aba bonke, benqi̔nelwe kakuhle nje ngalo ukolo, abakwamkela obekubekiwe ngedinga; ₄₀utixo esazalelele tina into elungileyo ngakumbi nje, ukuze bona bangafezekiswa ngapandle kwetu.