Incwadi ka‐Paulusi kuma‐Hebere 3

₁NGAKO oko, bazalwana abangcwele, abalwamkeleyo ubizo lwasezulwini! gqalani lowo ungumpostile nomperisite omkulu wemvumelo yetu, u‐Kristu Yesu; ₂obe enyanisekile kulowo wammisayo, njengokuba naye u‐Mosesi ebenjalo kuyo yonke indlu yake. ₃Ngokuba yena lo ebalelwe ukuba ufanele ubungcwalisa obukulu ngakumbi ngapezu kwo‐Mosesi, kwa njengoko anodumo olukulu kolwendlu lowo wayenzayo yona. ₄Ngokuba zonke izindlu zisenziwa ngotile; kodwa owazenzayo izinto zonke ngutixo. ₅Kanjalo u‐Mosesi okunene ebenyanisekile kuyo yonke indlu yake, njengesicaka, kube kukunqi̔nwa kwezinto eziya kutetwa; ₆kodwa u‐Kristu, njengonyana pezu kwendlu yake; esiyiyo indlu yake tina, xeshekweni kambe ukalipo noqa̔yiselo lwetemba letu silubamba luqinisekile kude kube sekupeleni.

₇Ngoko, njengokuba esiti umoya oyingcwele, Namhla nje, nakuliva ilizwi lake, ₈maningazenzi lukuni intliziyo zenu, njengasengcapukisweni, ngomhla wokulinga entlango; ₉okuya oyihlo benu bandilinga, bandivavanya, baza babona imisebenzi yam iminyaka yamashumi mane. ₁₀Ngoko bendiqumbele isizukulwana eso, ndati: Bayalahleka futi ngentliziyo; abazazanga indlela zam kanjako. ₁₁Ndada ndafunga emsindweni wam ukuti: Abasayi kungena ekupumleni kwam. ₁₂Lumkani, bazalwana! hleze kuke kubeko komnye wenu intliziyo ekohlakeleyo wokungakolwa, ekumkeni kuye utixo ohleliyo. ₁₃Koko yalanani imihla ngemihla, nxa kusabizwayo ngokuti ngumhla wanamhla; ukuze kungabiko mntu wakuni owenziwa lukuni ngenkohliso yesono. ₁₄Ngokuba singabamamkeleyo u‐Kristu, xeshekweni kambe isiqalo sokwomelela kwetu sisibambayo siqinisekile kude kube sekupeleni: ₁₅ekubeni kutshiwo ukuti: Namhla nje, nakuliva ilizwi lake, maningazenzi lukuni intliziyo zenu njengasengcapukisweni.

₁₆Pofu bebengobanina abati bakuva bacapukisa? bebengengabo na bonke kanti abapumayo e‐Jipete ngo‐Mosesi? ₁₇Kanjalo bebengobanina wabaqumbelayo iminyaka yamashumi mane? bebengengabo na abonayo, abamizimba yawayo entlango? ₁₈Kanjalo wafunga kobanina ukuba abayi kungena ekupumleni kwake, kupela kubo ababengevanga? ₁₉Kwa njalo siyabona ukuba babekohliwe kukungena ngenxa yokungakolwa.