Incwadi ka‐Paulusi kuma‐Hebere 8

₁KEKALOKU eyona nto inkulu kwezozinto zite-wayo, yeyokuba sinonjalo engumperisite omkulu, ohleli pantsi ngasekunene kweterone yobukulukazi emazulwini; ₂umkonzi weyingcwele indawo, nowetabanakele eyinyaniso, leyo iyimisileyo inkosi, engenguye umntu.

₃Ngokuba osukuba engumperisite omkulu emiselwa ukuba anikele iminikelo namadini: kukona kufanelekile ukuba naye lo abe nento angayinikelayo. ₄Ngokuba yena ukuba ebeko emhlabeni, ngeengabi engumperisite nakanye, sebeko nje abaperisite abanikelayo iminikelo ngokwomteto; ₅abati bona basikonze isifanekiso nesitunzi sezinto zasezulwini, kwa njengokuba u‐Mosesi ebeyalwa ngutixo, akuba ebeza kuyenza itabanakele; ngokuba esiti: Lumka ukuba uzenze zonke izinto ngomfanekiselo ububoniswa wona entabeni: ₆kodwa kaloku uzuzile isikonzo esidluliseleyo ngakumbi, kwa ngendawo lugqitisele ngakumbi ngayo ucebano angumlamli walo, oluqinisiwe lona pezu kwamadinga alungileyo kwawolunye.

₇Ngokuba olo lwokuqala ukuba belungenanto yokweyiwa, ngekungafunelwanga olwesibini indawo. ₈Ngokuba elweya nje lona esiti kubo: Bona ke, imihla iyeza, utsho uyehova, nxa ndiya kwenzela indlu ka‐Sirayeli nendlu ka‐Juda ucebano olutsha: ₉lungenjengalo ucebano endalwenzayo noyise babo, emhleni ndabendibamba isandla sabo, ukuba ndibapumise elizweni le‐Jipete; ngokuba bona bebengahlalanga elucebanweni lwam, nam andabakatalela, utsho uyehova. ₁₀Ngokuba lulo olu ucebano endiya kulwenza nendlu ka‐Sirayeli emveni kwalomihla, utsho uyehova: Ndiya kubeka imiteto yam engqondweni yabo, napezu kwentliziyo yabo ndoyiba̔la; ndandiya kuba ngutixo wabo, bati bona babe ngabantu bam. ₁₁Baye bengasayi kufundisa omnye ummelwane wake, nomnye umzalwana wake, esiti: Yazi uyehova; ngokuba bonke beya kundazi, kwa kuye omncinane wabo kude kube kuye omkulu wabo. ₁₂Ngokuba ndiya kuba netaṙu kuko ukungalungi kwabo, nezono zabo nezigqito zabo andisayi kubuya ndizikumbule.

₁₃Ekubeni ati: Ucebano olutsha; ulwenzile ludala olwokuqala. Kodwa oko kwenziwayo okudala nokwalupeleyo, kukufupi nokutiwa shwaqe.