U‐Yisaya 25

₁YEHOVA! u ngutixo wam wena; ndokupakamisa; igama lako ndolidumisa; ngokuba ukwenzile okungummangaliso; amacebo ako akudala ayinyaniso ayinene. ₂Ngokuba usenzile isixeko sibe yimfumba, isixeko esinqatyisiweyo sibe yingcitakalo, ikomkulu labasemzini lingabi sesisixeko; asisayi kwakiwa napakade. ₃Ngako oko abantu abanamandla bokubeka; isixeko sezizwe eziburoti siya kukwoyika. ₄Ngokuba ubuyinqaba kolihlwempu, inqaba kosweleyo ebunzimeni bake, indawo yokupepela ngenxa yesipango, umtunzi ngenxa yokufudumala, nxa umoya wabazidlwengu ubunjengesipango ngaseludongeni. ₅Njengokufudumala endaweni eyomileyo, uya kudambisa ingxolo yabasemzini; njengokufudumala ngesitunzi selifu, ingoma yabazidlwengu iya kutotywa.

₆Kwa kulentaba uyehova wemikosi uya kwenzela abantu bonke isidlo sezinto ezityebileyo, isidlo seveyine inentlenga zayo, sezinto ezityebileyo zizele ngumongo, seveyine entlenga zayo zihluziweyo. ₇Waeya kutshabalalisa kulentaba ubuso besigqubutelo esigqubutelayo abantu bonke, nesigubungelo esigubungelayo zonke izizwe. ₈Uya kugqibela ukutshabalalisa ukufa; inkosi e nguyehova iya kusula inyembezi kubo bonke ubuso, nogxekwa lwabantu bayo yolususa kuwo wonke umhlaba: ngokuba uyehova etshilo.

₉Kwakuya kutiwa ngalomhla: Bona ke, ngutixo wetu lo; sikangele kuye, waeya kusisindisa: lo nguyehova; sikangele kuye; siya kugcoba sivuye ngalo usindiso lwake.

₁₀Ngenyaniso isandla sikayehova siya kupumla pezu kwalentaba; kodwa u‐Mowabi uya kunyatelwa pantsi endaweni yake, njengokuba inca inyatelwa pantsi emanzini emfumba yomgquba. ₁₁Waeya kuzolula izandla zake pakati kwawo, njengoko umdadi azolulela ukudada: ner̔atshi lake wolitobela pantsi, kunye namaqinga ezandla zake. ₁₂Nenqaba ezinde zendonga zako uya kuzitobisa, azitobele pantsi, aziwisele emhlabeni, kude kube selutulini.