U‐Yisaya 27

₁NGOMHLA lowo uyehova uya kubeta ngeṙele lake, elo lilukuni, elikulu, elinamandla, ileviyatane, inyoka ebalekayo, kwa ileviyatane, inyoka ejikajikayo; nengwenya epakati kwolwandle woyibulala.

₂Ngomhla lowo vumani ngawo umyezo weveyine, ukuti: ₃Mna Yehova ndiyawulinda; onke amaxanyana ndowunyela: ukuze ungonakaliswa, ndiyawulinda nasemini nasebusuku. ₄Akuko msindo kum: ngubanina noko oya kuzimisa ngakum imbobo nemitolo ekulweni? bendiya kupumela ngakuzo, bendiya kuzitshisa kwa kunye. ₅Ukuba kodwa kuko oya kubambelela emandleni am, uya kulwenza uxolo nam; uxolo uya kulwenza nam. ₆Ngemihla ezayo u‐Yakobi uya kwendelisa ingcambo, u‐Sirayeli uya kuhluma atyatyambe, ade azalise ubuso belizwe ngeziqa̔mo.

₇Umbetile na njengokumbeta kwowambetayo? ubulewe na njengokubulawa kwababuleweyo bake? ₈Ngomlinganiso nangomlinganiso, akundululwa, waupika naye: wamsusa ngomoya wake oqwitayo emhleni womoya wasempumalanga. ₉Noko ngako oku inkohlakalo ka‐Yakobi yoxoliselwa; kanjalo oku kusiso sonke isixakato — ukususwa kwesono sake: nxa awenza onke amatye esibingelo njengamatye ekalike aqekeziweyo; ingabi senakuma imifanekiso ka‐Ashera nezifanekiselo zelanga.

₁₀Ngokuba isixeko esinqatyisiweyo soba sodwa, soba yintlalo eyekiweyo, eshiyiweyo njengobala; apo itole liya kudla, nalapo liya kulala pantsi, ligqibe amasebe aso. ₁₁Nxa abunileyo amagatya aso, aya kushunqulwa; baya kuza abafazi, babase ngawo: ngokuba bengengabantu bona abanokuqonda; ngako oko lowo obenzileyo akayi kuba nanceba pezu kwabo, nobadalileyo akayi kubapata ngofefe.

₁₂Kwakuya kuti ngomhla lowo, uyehova wovutulula, kwa sembaxeni yomlambo kude kube semlanjeni wase‐Jipete, naniya kucolwa ngomnye ngomnye, nina bonyana baka‐Sirayeli! ₁₃Kwoti ke kanjalo ngomhla lowo, kwovutelwa ngexilongo elikulu, babeya kuza ababebuba elizweni le‐Asiriya, nabagxotiweyo ababeselizweni le‐Jipete, babedeshe uyehova entabeni eyingcwele e‐Yerusaleme.