1KWOBA nzima elusatsheni olunenkani, utsho uyehova, olwenzayo icebo, kodwa akuveli kum, olutulula iminikelo yokusela, kodwa akuveli kumoya wam; ukuze lwongeze isono pezu kwesono: 2oluhambayo ukuya kuhlela e‐Jipete, lungabuzanga emlonyeni wam; ukuba lusabele emandleni ka‐Faro, nokuba lupepele esitunzini se‐Jipete. 3Ngako amandla ka‐Faro oba kukudana kwenu, nokupepela esitunzini se‐Jipete kwoba kukumata kwenu. 4Ngokuba inkosana zabo zibe zise‐Tsohane, nezitunywa zabo zifikele e‐Hanese. 5Bonke badanile pezu kwabantu abangebancedeyo; abangengabokusiza nabokunceda, koko bengabokudanisa nabokuhlazisa. 6Umtwalo wezilo zasesuyide: ezweni lobunzima noxinezeko, ekuvela kulo ingonyamakazi nengonyama enamandla, inyushu nenyoka ebumliloṙa epapazelayo, bayatwala ubutyebi babo pezu kwemihlana yamaqwaṙashana, nendyebo zabo pezu kwamalunda enkamela, ukuya ebantwini abangayi kubanceda. 7Ngokuba i‐Jipete uncedo lwayo lwoba yinto ebunkungu nokungendawo; kukona ndibizile yona ngokuti: yi‐Rahabi ehlala ingenzi nto.
8Yiza kaloku, uba̔le oku ecwecweni pambi kwabo, ukuqingqe nasencwadini, kuze kubeko ngemihla yasemva, ngonapakade kude kube ngunapakade: 9Okokuba bona bangabantu abanenkani, usapo oluxokayo, usapo olungavumi ukupulapula umteto kayehova; 10abati kubaboni: Ningaboni; nakubaprofite: Ningasibonisi izinto ezilungileyo; siteteleni izinto ezibutelezi; siboniseni izinto ezikohlisayo: 11pambukani endleleni, tyekani emzileni; yenzani oyingcwele ka‐Sirayeli ayeke ukabako ebusweni betu.
12Ngako oko utsho oyingcwele ka‐Sirayeli ukuti: Ngenxa yokuba nilahlile elilizwi, natembela ekubandezeleni nakokugwenxa, naza nayama pezu kwako: 13ngoko lenkohlakalo yoba kuni njengotanda luza kuwa, lupuma ngapandle eludongeni olude, olukuqekezwa kuzayo kamsinyane, ngebaqo. 14Waeya kuluqekeza njengokuqekezwa kwompanda wababumbi otyumkileyo; akayi kuba nalusizi; kuze kungafunyanwa, ekutyumkeni kwawo, necepe lokutabata umlilo eziko, nokwongula amanzi ecibini.
15Ngokuba isitsho inkosi e nguyehova, oyingcwele ka‐Sirayeli, ukuti: Ngokuguquka nangokupumla niya kusindiswa; ngokwonwaba nangetemba kwobako amandla enu; kodwa beningavumi. 16Koko benisitsho ukuti: Hai! sesiya kubaleka pezu kwamahashe; ngako oko niya kubaleka; nokuti: Sokwela pezu kwanamendu; ngako oko abo banisukelayo boba namendu. 17Iwaka linye ngokutetisa kwomnye, ngokutetisa kwabahlanu niya kubaleka; nide nisale njengesibonda pezu kwengcopo yentaba, nanjengebanile pezu kwenduli.
18Kwa ngoko uyehova uya kulinda, ukuba anipate ngofefe, nangoko uya kupakama, ukuba abe nenceba ngakuni; ngokuba uyehova e ngutixo wobugwebo: banetamsanqa ke bonke abamlindayo yena. 19Ngokuba abantu base‐Ziyone beya kuhlala e‐Yerusaleme; akusayi kumana ulila; woba nofefe kuwe ngokwenene ngelizwi lesikalo sako; woti akuliva, akupendule. 20Nakuba inkosi ininika isonka sobunzima namanzi embandezelo, abafundisi bako abasayi kuzimela noko, kodwa amehlo ako obabona abafundisi bako; 21nendlebe zako ziya kuliva ilizwi emva kwako, lisiti: Nantsi indlela, hambani kuyo; nxa nijika ngasekunene, nanxa nijika ngasekohlo. 22Naniya kubala ukuba sinco̔lile isalekwa semifanekiso yenu yesilivere eqingqiweyo, nesigubungelo semifanekiso yenu yegolide etyityishiweyo; uya kuzilahla njengeqiya enco̔lileyo; uya kuti kuso: Yiti be! 23Uya kwandula anike imvula yembewu yako, oya kuhlwayela umhlaba ngayo; nesonka semveliso yomhlaba, esiya kuba sesicu̔mileyo nesityebileyo: ngalomhla inkomo zako zodla emadlelweni abanzi. 24Inkabi nazo, namaqwaṙashana, ezilimayo umhlaba, zotya ukutya okunetyuwa, okweliweyo ngomnyazi nangento yokwela. 25Kwakuya kubako pezu kwazo zonke intaba ezinde, napezu kwazo zonke induli ezipakamileyo, imilanjana nemisinga yamanzi, ngomhla wokubulala okukulu, ekuweni kwazo inqaba. 26Kwandule ukukanya kwenyanga kube njengokukanya kwelanga, nokukanya kwelanga kube ngokusixe̔nxe, njengokukanya kwemini ezisixe̔nxe, emhleni uyehova abopayo isapuko sabantu bake, nenkeba lokubetwa kwabo alipolise.
27Bona ke, igama likayehova livela kwa kude, isitsha ingqumbo yake, kunzima ukuqu̔ma kwayo: umlomo wake uzele ngumsindo, nolwimi lwake lunjengomlilo odlayo. 28Umoya wake unjengomsinga okukulayo, ofikela kwa sentanyeni; ukuze azihluze izizwe ngentluzo yokungendawo; nomkala wokulahlekisa woba semihlatini yabantu. 29Noba neculo njengasebusuku bokwenziwa kwomtendeleko oyingcwele, novuyo lwentliziyo njengolwohambayo ngomlozi, ukuya entabeni kayehova, kwilityekazi lo‐Sirayeli. 30Kanjalo uyehova uya kuvakalisa ilizwi lake elibungcwalisa, nokuhla kwengalo yake wokubonakalisa, ngokuṙala kwengqumbo, nangelangatye lomlilo odlayo, ngomvumbi, nezipango, nezico̔to. 31Ngokuba ngelizwi likayehova um‐Asiriya eya kwapulwa; uya kumbeta ngomnqai. 32Zonke izidlulo zentonga emisiweyo, aya kuyibeka uyehova pezu kwake, zoba nentambula nehadi: nangokulwa okubupitipiti uya kulwa ngakubo. 33Ngokuba i‐Tofete ilungiselelwe kwa kudala; ewe, yona ilungiselwe ukumkani; yenziwe enzulu ebanzi; igoqo layo lingumlilo nento eninzi yenkuni; ukupefumla kukayehova, njengomsinga wesufure, kwolipemba.
