U‐Yisaya 32

₁BONA ke, ukumkani wopata ubukumkani ngobulungisa, nenkosi ziya kupata ubukosi ngobugwebo. ₂Umntu woba njengendawo yokufihla emoyeni, neyokuzimela esipangweni; njengemilanjana yamanzi endaweni eyomileyo, njengomtunzi weliwa elikulu elizweni elidiniweyo. ₃Amehlo abo babonayo akayi kuba luzizi, nendlebe zabevayo zopulapula. ₄Intliziyo yabanokunxama iya kuqiqa ukwazi, nolwimi lwabo batintitayo lwonxamela ukuteta ekuhleni. ₅Ibedengu alisakuba sabizwa ngonesisa, nomvimbi akuyi kutiwa ngaye usisityebi. ₆Ngokuba ibedengu liya kuteta okububedengu, nentliziyo yalo iya kudala inkohlakalo; lisenza ngobuginwa, liteta okugwenxa ngakuye uyehova; lishiya zé umxe̔lo wolambileyo, noselo lonxaniweyo liluswelekisa. ₇Nomvimbi inzuziso zake zikohlakele; uyaceba amaqinga abumenemene; ukuze acite amahlwempu ngamazwi obuxoki, nosweleyo akuteta okufaneleyo. ₈Kodwa onesisa uyaqinga izinto zobusa, nakuzo izinto zobusa uya kuma yena.

₉Nina bafazi abangenakukutala! vukani, pulapulani ilizwi lam; nina zintombi ezingenakwoyika! nikelani ukuteta kwam indlebe. ₁₀Ngemihla etile ngapezu kwomnyaka niya kupitizeliswa, nina zintombi ezingenakwoyika! ngokuba ukuvunwa kwemiti yeveyine kuya kupela, nokubutwa kweziqa̔mo kungayi kuza. ₁₁Ngcangcazelani, nina bafazi abangenakukutala! tutumelani, nina zintombi ezingenakwoyika! hlubani, nizihlubulule, nibinqe ngentlakantlaka ezinqeni. ₁₂Bayabeta pezu kwamabele; ngenxa yamasimi anqwenelekileyo, ngenxa yomti weveyine oqa̔mileyo. ₁₃Emhlabeni wabantu bam kuya kupuma imitolo nembobo; ewe, napezu kwazo zonke izindlu zovuyo esixekweni esigcobayo. ₁₄Ngokuba uxande luya kuyekwa: ubutyebi besixeko buya kushiywa; induli nenqaba yokulinda zoba yindawo yemiqolomba kude kube ngunapakade, uvuyo lwamaqwaṙa, idlelo lemihlambi:

₁₅Kude kugalelwe pezu kwetu umoya evela pezulu; iti intlango ibe yintsimi ecu̔mileyo, nentsimi ecu̔mileyo ibalwe ngokuba lihlati. ₁₆Buya kwandula ubugwebo ukuma entlango, nobulungisa ukuhlala entsimini ecu̔mileyo. ₁₇Kwoti ukwenza kwobulungisa kube luxolo, nokusebenza kwobulungisa kube kukuzola nokunqaba kude kube ngunapakade. ₁₈Kanjalo abantu bam bohlala ekayeni elinoxolo, nasezintlalweni ezinqabileyo, nasezindaweni zokupumla ezonwabileyo: ₁₉kodwa kuya kuna izico̔to ekuweni kwehlati; saye isixeko siya kutotyelwa pantsi ebupantsini. ₂₀Hai itamsanqa lenu enihlwayelayo ngakuwo onke amanzi; enikululayo inqina lenkabi neleqwaṙashe!