U‐Yisaya 46

₁U‐BELE uyaguqa; u‐Nebo uyatoba pantsi; amadalo abo abekiwe pezu kwezilo napezu kwenkomo: imitwalo yenu yenziwe into yokutweswa, ingumsindwa kwisilo esidiniweyo. ₂Ziyatoba pantsi, ziyaguqa kunye; akohliwe ukukulula umsindwa; ewe, aya ekutinjweni kwa wona.

₃Pulapulani kum, ndlu ka‐Yakobi, naso sonke isisalela sendlu ka‐Sirayeli! abatwelweyo kwa sesiswini, abafunqulweyo kwa sesizalweni. ₄Kwa kude kube sebudaleni ndoba kwa nguye; nakude kube sezimvini ndonitwala: ndenzile, ndandiya kufunqula; ewe, ndotwala, ndinikulule.

₅Niya kundifanisa nobanina, ukuba nindilinganise naye? niya kundenza njengobanina, ukuba sifane? ₆Bayaku̔pa into eninzi yegolide enxoweni, nesilivere bayilinganisa entweni yokulungelelanisa; bayaqesha incibi yegolide, eyenzayo utixo: bayaqubuda, ewe, bayabedesha. ₇Bayamfunqula pezu kwegxalaba; bayamtwala; bayamhlisa pantsi endaweni yake, eme ke; akayi kushenxa kuyo indawo yake: ewe, umntu angakala kuye, kanti akayi kumpendula; akayi kumsindisa ebunzimeni bake.

₈Kumbulani oku, nenze njengamadoda; yikumbuzeni intliziyo, nina bagqiti! ₉Kumbulani izinto zangapambili, ezakudala; ngokuba ndinguye utixo, akuko wumbi; ndi ngutixo, akuko onjengam: ₁₀oxelayo kwa sekuqaleni okwokupela, nasemaxesheni apambili izinto ezingekenziwa, esiti: Icebo lam liya kuma, nayo yonke intando yam ndiya kuyenza: ₁₁obizayo intakakazi ivele empumalanga, nendoda yokuceba kwam elizweni elikude: ewe, nditetile, ndokuzisa kubako kanjako; ndicingile, ndiya kukwenza kanjako. ₁₂Pulapulani kum, nina bantliziyo zinokanda, nina bakude ekulungeni! ₁₃Ndiyasondeza ubulungisa bam; abuyi kuba kude; nosindiso lwam aluyi kulibala; ndandiya kubekela u‐Sirayeli, ubungcwalisa bam, usindiso e‐Ziyone.