U‐Yisaya 58

₁DANDULUKA kakulu, ungayeki; pakamisa ilizwi lako njengexilongo, uxele ebantwini bam isigqito sabo, nakwindlu ka‐Yakobi isono sabo. ₂Noko, imihla ngemihla bayandifuna, nendlela zam bayatanda ukuzazi; njengesizwe esenzayo ubulungisa, nommiselo wotixo waso asiwushiyi; bayabiza kum imimiselo elungileyo; bayatanda ukusondela kutixo. ₃Bati: Kunganina ukuba sizilile, kanti akuboni; nokuba sibandezele umpefumlo wetu, kanti akwazi? Bona ke, ngemini yokuzila kwenu niyafuna imihlali, nayo yonke imisebenzi yenu niyayibanga. ₄Bona ke, nizilela ukupika nokungxolisana, nokudubula ngesandla esifunjatiweyo sencwangu: ngeningazili njengokwanamhla, ukuvakalisa ngokupezulu ilizwi lenu. ₅Yinzilo enje na endiyinyulileyo? umhla wokuba umntu abandezele umpefumlo wake na? ukuba atokombise intloko yake njengomkanzi na, azandlalele intlakantlaka notutu na? Le woyibiza na ngokuti yinzilo, nemini ekolekileyo kuyehova? ₆Asi yile na inzilo ndiyinyulileyo? ukucumbulula izibambo zencwangu, ukutukulula intambo zeyokwe, nokundulula abancinezelweyo bekululekile, nokuba nizapule iyokwe zonke. ₇Asi kuko na ukuqezulela olambileyo isonka sako, nokuba ungenise endlwini amahlwempu atshutshisiweyo; nxa ubona ohamba zé, ukuba umambese, nokuba ungazifihli kweyako inyama?

₈Oko kuya kugqabuka ukukanya kwako njengokusa, nokupila kwako kuya kuhluma kamsinyane; kanjalo ubulungisa bako bohamba pambi kwako; ubungcwalisa bukayehova bokubuta ngasemva. ₉Oko uya kubiza, asabele uyehova; uya kukala, ati yena: Nanku mna! Ukuba uyasusa pakati kwako iyokwe, ukwalata ngomnwe, nokuteta okukohlakeleyo; ₁₀ukuba uyamku̔pela olambileyo umxe̔lo wako, nomxe̔lo wobandezelweyo uyawuhlutisa; kuya kwandula kupume ukukanya kwako ebumnyameni, nesitokotoko sako sibe njengemini enkulu. ₁₁Waye uyehova eya kumana ekukokela futi, awuhlutise umxe̔lo wako ekwomeni okukulu; namatambo ako uya kuwomeleza; wauya kuba njengomyezo ocenceshiweyo, nanjengetende elimanzi angatshitshiyo. ₁₂Kanjalo abo bavela kuwe bobuya bake indawo ezicitakeleyo zakudala; imisekelo yezizukulwana ngezizukulwana uya kuyimisa; wauya kubizwa ngokuti: Umakeli wotanda, umhlaziyi wendlela ukuba kuhlalwe.

₁₃Ukuba uyanqanda unyawo lwako kuyo isabata, ungenzi eyako intando ngawo umhla wam oyingcwele; ukuba uyabiza isabata ngokuti sisiyolo, umhla oyingcwele kayehova ngokuti ubekekile: uze uwubeke, ungenzi ezako indlela, ungafuni eyako intando, ungateti awako amazwi: ₁₄uya kwandula ukuziyolisa kuyehova; ndandiya kukukwelisa pezu kwendawo ezipakamileyo zomhlaba, ndikudlise ilifa lika‐Yakobi uyihlo wako: ngokuba umlomo kayehova utshilo.