U‐Yisaya 6

₁NGOMNYAKA wokufa kwokumkani u‐Huziya, ndaza ndabona inkosi ihleli pezu kweterone ende epakamileyo, ati amasondo esivato sayo azalisa itempile. ₂Iserafime zema ngakuyo: zibe zinamapiko amatandatu ezinye ngezinye; ngamabini zagubungela ubuso bazo, nangamabini zagubungela inyawo zazo, nangamabini zapapazela. ₃Enye yabiza kwenye, yati: Uyingcwele, uyingcwele, uyingcwele, uyehova wemikosi; umhlaba wonke uzele bubungcwalisa bake! ₄Kanjalo amaseko eminyango azamazama ngenxa yelizwi yaleyo ibizileyo, yati indlu yazaliswa ngumsi.

₅Ndaza ndati: Au mna! sendibuba; ngokuba ndingumntu omlomo unco̔lileyo, ndihleli nje pakati kwabantu abamilomo inco̔lileyo kanjalo; ngokuba amehlo am ebonile ukumkani, uyehova wemikosi. ₆Yandula yabalekela kum enye kuzo iserafime, inelahle elivutayo esandleni sayo ilitabatileyo ngesitabatelo esibingelweni; ₇yacukumisa ngalo umlomo wam, yati: Bona ke, eli licukumisile umlomo wako; ngako inkohlakalo yako isusiwe, nesono sako sixolelwe. ₈Ndaza ndeva ilizwi lenkosi, isiti: Ngubanina lowo endiya kumtuma, ngubanina nalowo oya kusiyela? Ndaza ndati: Nanku ndilapa; nditume mna. ₉Yayisiti: Hamba uye uti kwababantu:

Hlalani nisiva, nize ningaqondi; hlalani nibona, nize ningaqiqi. ₁₀Yenza intliziyo yababantu idikwe; nendlebe zabo zenze nzima, namehlo abo wacime; hleze babone ngamehlo abo, beve ngendlebe zabo, baqonde ngentliziyo zabo, baguquke, bapiliswe.

₁₁Ndaza ndati: Kude kube ninina, Nkosi? Yayisiti: Kude kucitakaliswe izixeko zingabi nabemi, nezindlu zingabi nabantu, nelizwe ligqityelwe ukucitakaliswa, ₁₂ati uyehova abafudusele kude abantu, nokushiyiweyo kube kukulu pakati kwelizwe. ₁₃Nakuba kuseko kulo isahlulo seshumi, sobuya sitshiswe kwa sona; noko, njengomti weterebinte nanjengomti weyeke, eti yakuwiswa kuko isipunzi kuyo, kwa njalo inzalo engcwele yoba sisipunzi saso.