Abagwebi 5

₁WANDULA wavuma u‐Debora, no‐Baraki unyana ka‐Abinowami, ngalomini, ngokuti:

₂Ngenxa yokukokela kwabakokeli kwa‐Sirayeli, ngenxa yokuzinikela kwabantu ngokutumekelela, bongani uyehova! ₃Yivani, nina bokumkani, nikani indlebe, nina zinkosi! mna, kuyehova ndovuma mna; ndiya kucula kuyehova, utixo wo‐Sirayeli.

₄Yehova! ekupumeni kwako e‐Sehire, ekusukeni kwako ezweni le‐Edome, umhlaba wangcangcazela, nezulu latontsela, amafu nawo atontsela amanzi. ₅Intaba zazamazama ebusweni bukayehova, le‐Sinai ebusweni bukayehova, utixo wo‐Sirayeli.

₆Emihleni ka‐Shamgare unyana ka‐Hanate, emihleni ka‐Yayeli, zapumla indlela; bati abahambi baya ngendlela ezigoso. ₇Bapela abapati kwa‐Sirayeli, bapela; ndada ndavuka mna Debora, ndada ndavuka ndingunina kwa‐Sirayeli. ₈Kwanyulwa otixo abatsha; kwandula kwabako imfazwe emasangweni: kanene bekubonwa ikaka na nomkonto pakati kwamawaka angamashumi mane kwa‐Sirayeli?

₉Intliziyo yam ikubo abongama bakwa‐Sirayeli, abazinikelayo ngokutumekelela pakati kwabantu. Bongani uyehova! ₁₀Nina bakweleyo pezu kwamaqwaṙashekazi amhlope, nina bahlalayo ematyaleni, nani bahambayo endleleni, yumani! ₁₁ngenxa yelizwi labawabayo amaxoba pakati kwendawo zokukelela; kwa lapo baya kudumisa izenzo ezilungileyo zikayehova, izenzo ezilungileyo zokupata kwake kwa‐Sirayeli: baya kwandula ukuhla abantu bakayehova baye emasangweni.

₁₂Vuka, vuka, Debora! vuka, vuka, utete ingoma: suka, Baraki! timba amatinjwa ako, nyana ka‐Abinowami!

₁₃Kwandula kwehla abaseleyo pakati kwemiduna; abantu bakayehova behlela kum ngakuwo amagoṙa: ₁₄kwa‐Frayime, abakuhlala kusema‐Amalekini; emva kwako, u‐Benjamine pakati kwabantu bako; kwa‐Makire behla abongama, nakwa‐Zebulone abapete intonga yomba̔li. ₁₅Inkosi zakwa‐Yisakare nazo bezino‐Debora; nanjengo‐Yisakare, wanjalo u‐Baraki; watunywa emhlanjeni ezinyaweni zake. Pakati kwemijelo yakwa‐Rubene bekuko amaqinga entliziyo amakulu. ₁₆Yinina ukuba ubuhleli pakati kwezibaya, ukuva ukulila kwemihlambi? Pakati kwemijelo yakwa‐Rubene bekuko izifuniselo zentliziyo ezikulu. ₁₇U‐Gileyadi wema pesheya kwe‐Yoredane: no‐Dane, yinina ukuba wahlala ngasezinqanaweni? U‐Ashere ebehleli elunxwemeni lwolwandle, wahlala ngasemacwebeni ake. ₁₈U‐Zebulone, abantu abo balahlela ekufeni ubomi babo, kwa no‐Nefatali, pezu kwendawo ezinde zelizwe.

₁₉Kweza okumkani, balwa; bandula balwa okumkani base‐Kanane e‐Tahanaki ngasemanzini ase‐Megido: inzuzo yemali abayitabatanga. ₂₀Kwaliwa kwa sezulwini; inkwenkwezi ezindleleni zazo zalwa no‐Sisera. ₂₁Umlambo we‐Kishone wabakukulisa, umlambo omdala, umlambo we‐Kishone. Mpefumlo wam! unyatele amandla. ₂₂Zandula impupu zamahashe zabeta, ngokuti bukuqu, ngokuti bukuqu kwamaṙoti abo.

₂₃Qalekisani i‐Meroze, yatsho ingelosi kayehova, qalekisani kakulu abemi bayo; ngokuba bengezanga ukumnceda uyehova, ukumnceda uyehova ngakuwo amagoṙa.

₂₄Makatanyusanqelwe ngapezu kwabafazi u‐Yayeli, umfazi ka‐Kebere um‐Keni; makatanyusanqelwe ngapezu kwabafazi ententeni. ₂₅Wacela amanzi, wanika ubisi; endebeni yenkosi wasondeza amasi. ₂₆Isandla sake wasolulela kwisikonkwane, nesokunene sake kwisando sabasebenzi; wambeta u‐Sisera, watyumza intloko yake, wahlaba wabadluza intlafuno yake. ₂₇Pakati kwenyawo zake watoba, wawa, walala pantsi; pakati kwenyawo zake watoba, wawa; apo watobayo, kwa kona wawa ebulewe.

₂₈Unina ka‐Sisera wakangela ngefenstile, wamemeza ngesituba, wati: Kunganina ukuba inqwelo yake iyalibala ukuza? kunganina ukuba amanyatela enqwelo zake ayazilazila? ₂₉Inkosikazi zake ezilumkileyo zapendula, ewe, wazipendulela ngokwake, ukuti: ₃₀Abafumananga na? abawabelanga na amaxoba? intombi, intombi mbini kwindoda ngendoda; amaxoba engubo ezinamabala ngamabala kuye u‐Sisera, amaxoba engubo ezinamabala ngamabala zitungiwe, ingubo ezinamabala ngamabala zitungiwe amacala omabini, ezifanele intamo zabatimbi?

₃₁Makube njalo ukutshatyalaliswa kwazo zonke intshaba zako, Yehova! kodwa abo bamtandayo, mababe njengokupuma kwelanga emandleni alo.

Laza ilizwe lapumla iminyaka yamashumi mane.