1Utsho uyehova ukuti: Hamba uzuze igubu lombumbi lodongwe, utabate kwabadala babantu, nakwabadala babaperisite; 2uze upume nabo uye esihlanjeni soyana ka‐Hinome, esingasemnyango wesango lobubumbo, ushumayele kona amazwi endiya kuwateta kuwe, 3uti:
Yivani ilizwi likayehova, bokumkani bo‐Juda, nabemi base‐Yerusaleme! Utsho uyehova wemikosi, utixo wo‐Sirayeli, ukuti: Bona ke, ndiya kuzisa ilishwa pezu kwalendawo, aya kuti osukuba eliva, indlebe zake zokenceza. 4Ngenxa yokuba bendishiyile, nalendawo beyenzile eyasemzini, notixo bambi bebaqu̔misele kuyo, abangabazanga bona, noyise babo, nokumkani bo‐Juda; nokuba bezalisile lendawo ngegazi labangenatyala; 5nokuba bezakile indawo ezipakamileyo zika‐Bali, baze batshise onyana babo ngomlilo babe ngamadini okutshiswa ku‐Bali, into endingayiyalelanga, nendingayitetanga, nengangenanga entliziyweni yam: 6ngako oko, bona ke, imihla iyeza, utsho uyehova, nxa indawo le ingasayi kubizwa ngokuti yi‐Tofete, nangokuti sisihlambo sonyana ka‐Hinome, kodwa ngokuti sisihlambo sobulalo. 7Ngokuba ndiya kulitshitshisa icebo lo‐Juda ne‐Yerusaleme kulendawo, ndandiya kubawisa ngesiṙele pambi kwentshaba zabo, nangesandla sabo babufunayo ubomi babo; nezidumbu zabo ndozinika zibe kukutya kuzo intaka zezulu, nakuzo izilo zomhlaba. 8Ndandiya kusenza esisixeko into yokutelwa nqa, neyokwenzelwa amakwelo: bonke abadlulayo ngakuso boti nqa, benze amakwelo ngenxa yazo zonke izibulawa zaso. 9Ndandiya kubadlisa inyama yonyana babo, nenyama yentombi zabo; ewe, baya kudla omnye inyama yomnye, ekuvingcelweni nasekuxinezelweni, abaya kuti intshaba zabo, nabo babufunayo ubomi babo, babaxinezele ngako.
10Uya kwandula uqekeze igubu elo emehlweni amadoda ahambayo nawe, 11uti kuwo: Utsho uyehova wemikosi ukuti: Ndiya kwenje njalo ukuqekeza abantu aba nesixeko esi, njengokuba kuqekezwa umpanda wombumbi, ongenako ukuhlaziywa kanjako; kwakuya kuncw̔atywa e‐Tofete, kude kungabiko indawo yokuncw̔aba. 12Ndiya kwenje njalo ke kulendawo, utsho uyehova, nakubo abemi bayo, ndide ndisenze isixeko esi njenge‐Tofete. 13Kanjalo izindlu zase‐Yerusaleme, nezindlu zokumkani bo‐Juda, zoba njengendawo ye‐Tofete zinco̔lile, kwa zonke izindlu abaqu̔misileyo pezu kwezifulelo zazo kuwo wonke umkosi wezulu, nabatululeleyo otixo bambi iminikelo yokusela.
14Wandula wavela u‐Jeremiya e‐Tofete, apo uyehova abemtumile kona ukuya kuprofitesha, weza wema ebaleni lendlu kayehova, wati kubo bonke abantu: 15Utsho uyehova wemikosi, utixo wo‐Sirayeli, ukuti: Bona ke, ndiya kuzisa pezu kwesixeko esi, napezu kwayo yonke imizi yaso, lonke ilishwa endilitetileyo ngakuso; ngokuba beyenzile lukuni intamo yabo, ukuze bangeva amazwi am.
