U‐Jeremiya 45

₁ILIZWI owalitetayo u‐Jeremiya umprofite ku‐Baruke unyana ka‐Neriya, akuba ebeba̔lile lamazwi encwadini ngomlomo ka‐Jeremiya, ngomnyaka wesine ka‐Yoyakime unyana ka‐Josiya ukumkani wo‐Juda, lisiti: ₂Utsho uyehova, utixo wo‐Sirayeli, ngawe, Baruke! ukuti: ₃Ubusiti: Hai ke ubunzima bam! ngokuba uyehova elwongezile usizi ebuhlungwini bam; ndidiniwe kukugula kwam, nokupumla andikufumani. ₄Uya kutsho kuye ukuti: Uyehova utsho ukuti: Bona ke, oko ndikwakileyo ndokucita, noko ndikutyalileyo ndokudonyula, kwa lonke elilizwe. ₅Uze wena uzifunele na izinto ezinkulu? Zungazifuni; ngokuba, bona ke, ndiya kuzisa ilishwa pezu kwoluntu lwonke, utsho uyehova; kodwa ubomi bako ndobunika kuwe bube lixoba kuzo zonke indawo apo uya kona.