Ivangeli ka‐Johane 8

₁Kodwa u‐Yesu waya entabeni yeminquma.

₂Kekaloku kusasa wabuya wafika etempileni, bati bonke abantu beza kuye; waza wahlala pantsi, wabafundisa.

₃Kekaloku ababa̔li nabafarisi bazisa kuye umfazi ebanjiwe ekuṙexezeni; baza bakuba bemmisile pakati, ₄bati kuye: Mfundisi! lomfazi watiwa xafu eṙexeza: ₅kekaloku emtetweni u‐Mosesi wasiyalela ukuba abanjalo bagityiselwe ngamatye; wena pofu uti nina? ₆Babesitsho bemlinga, ukuze babe nako ukumnika ityala. Kodwa u‐Yesu watoba pantsi, waba̔la ngomnwe emhlabeni. ₇Koko xeshekweni bebemana bembuza, wazipakamisa, wati kubo: Ongenasono pakati kwenu, makabe nguye oqala ukuposa ilitye ngakuye. ₈Waza wabuya watoba pantsi, waba̔la emhlabeni. ₉Kodwa bona bevile nje, benqi̔niselwa luvalo lwabo kanjalo, bapuma omnye ngomnye, beqala kubo abadala, kwada kwaba ngabokupela: waza u‐Yesu washiywa yedwa, nomfazi emi pakati. ₁₀Kekaloku akuba ezipakamisile u‐Yesu, engaboni mntu kupela umfazi lowo, wati kuye: Mfazi! bapina abo abakunika ityala? akuko namnye owakugweba na? ₁₁Wati ke yena: Namnye, Nkosi! Wayesiti u‐Yesu kuye: Nam andikugwebi; hamba, ungabi sona.

₁₂Wandula u‐Yesu wabuya wateta kubo, esiti: Mna ndilulo ukanyiso lwelizwe: lowo undilandelayo akasayi kuhamba ebumnyameni, koko aya kuba nalo ukanyiso lwobomi.

₁₃Bati ngoko kuye abafarisi: Uyazinqi̔nela ngokwako; ubunqi̔na bako abuyinene.

₁₄Wapendula u‐Yesu wati kubo: Nakuba ndizinqi̔nela ngokwam, buyinene ubunqi̔na bam; ngokuba ndisazi apo ndavela kona, nalapo ndiya kona: kodwa nina anazi apo ndivela kona, nalapo ndiya kona. ₁₅Niyagweba nina ngokwenyama; andigwebi mntu mna. ₁₆Kodwa noko ndigwebayo mna, ukugweba kwam kuyinene; ngokuba ndingendedwa, ndim nobawo owanditumayo. ₁₇Kanjalo kuba̔liwe nasemtetweni wenu, ukuba ubunqi̔na babantu ababini buyinene. ₁₈Mna ndingozinqinela ngokwam, kanjalo uyanqi̔na ngam ubawo owanditumayo.

₁₉Babesiti ngoko kuye: Upina uyihlo wako? Wati u‐Yesu ukupendula: Anindazi mna, animazi nobawo kanjako: ukuba nibe nindazi mna, ngeniba nimazi nobawo.

₂₀Lamazwi wawateta u‐Yesu endaweni yendyebo, efundisa etempileni: kanti bekungeko mntu owambambayo; ngokuba belingekafikanga ixeshana lake.

₂₁Wandula u‐Yesu wabuya wati kubo: Mna ndiyemka, naniya kundifuna, kanti niya kufa esonweni senu: apo ndiya kona, aningeze nina.

₂₂Abesiti ngoko ama‐Juda: Wozibulala yinina? ukuba esiti: Apo ndiya kona, aningeze nina.

₂₃Waza wati kuwo: Nina nivela ngapantsi, mna ndivela pezulu; nina ningabakulo ilizwe eli, mna andingowakulo ilizwe eli. ₂₄Ndatsho ngoko kuni ukuti, niya kufa ezonweni zenu; ngokuba xeshekweni ningakolwayo ukuba ndinguye, niya kufa ezonweni zenu.

₂₅Andula ati kuye: Ungubanina wena? Waza wati kuwo u‐Yesu: Ndikoko sendisitsho kuni ukuba ndikuko kutabata ekuqaleni. ₂₆Ndinezinto ezininzi zokuteta nokugweba ngani: koko owanditumayo uyinene, nam izinto endazivayo kuye, ezi ndiyaziteta kwilizwe. ₂₇Akaqonda ukuba ebeteta kubo ngaye uyise.

₂₈Wandula wati kuwo u‐Yesu: Xeshekweni nimpakamisile unyana wesintu, oko niya kwazi ukuba ndinguye, nokuba andenzi nto ngokwam, koko nditi, njengokuba bendifundiswe ngubawo, ndizitete njalo ezizinto. ₂₉Kanjalo lowo wanditumayo uko nam: ubawo akandishiyanga ndedwa, kuba ndizenza ngamaxesha onke ezozinto zikolekileyo kuye.

₃₀Nxa abeteta ezizinto abaninzi bakolwa kuye. ₃₁Wabesiti ngoko u‐Yesu kuma‐Juda lawo abekoliwe nguye: Xeshekweni nihlala elizwini lam, ningabadisipile bam ngenyaniso; ₃₂naniya kuyazi inyaniso, iti yona inyaniso inikululekise.

₃₃Ati ukumpendula: Siyinzalo ka‐Abrahame, asizanga sibe sebukobokeni kumntu nakanye: uti nina wena ukuti: Niya kwenziwa nikululekile.

₃₄Wati u‐Yesu ukuwapendula: Ngokwenene, ngokwenene, nditi kuni: Osukuba esenza isono, ulikoboka lesono. ₃₅Olikoboka akahlali endlwini ngonapakade; nguye unyana ohlalayo ngonapakade. ₃₆Xeshekweni ngoko unyana anikululekisayo, noba nikululekile ngokwenyaniso. ₃₇Ndiyazi ukuba niyinzalo ka‐Abrahame; niyafuna ukundibulala noko, kuba ilizwi lam lingafumani indawo kuni. ₃₈Mna ndiyateta oko ndikubonileyo kubawo wam; nani kwa njalo niyakwenza oko nikubonileyo kuyihlo wenu.

₃₉Apendula ati kuye: Ubawo wetu ungu‐Abrahame.

Wati kuwo u‐Yesu: Ukuba nibe nilusapo luka‐Abrahame, ngeniba niyenza imisebenzi ka‐Abrahame. ₄₀Kodwa ngoku niyafuna ukundibulala, umntu oyitetileyo kuni inyaniso, leyo ndayivayo kutixo: oku akakwenza u‐Abrahame. ₄₁Nina niyayenza imisebenzi yoyihlo wenu.

Andula ati kuye: Asizelwe tina ngombulo: sinobawo emnye, utixo.

₄₂Wandula wati kuwo u‐Yesu: Ukuba utixo ebenguyihlo wenu, ngeniba nitanda mna: ngokuba ndapuma ndavela kutixo; ngokuba kanjako ndingezanga ngokwam, nguye lowo owanditumayo. ₄₃Kunganina ukuba ningaqondi ukuteta kwam? kukuba ningelive ilizwi lam. ₄₄Nina ningabakuye uyihlo u‐Satane, nenkanuko zoyihlo wenu niyatanda ukuzenza. Yena lowo ebengumbulali kwa sekuqaleni, engemanga enyanisweni ke, kuba kungeko nyaniso kuye. Nxa ateta ubuxoki, uyateta kokukokwake: ngokuba elixoki, noyise wabo. ₄₅Kodwa mna ngokuba ndiyiteta inyaniso, anikolwa kum. ₄₆Ngubanina kuni ondivisa ityala ngesono? Kodwa ukuba ndiyateta inyaniso, kunganina ukuba ningakolwa kum? ₄₇Lowo ungowakuye utixo uyaweva amazwi katixo: ngenxa yoku aniweva nina, kuba ningengabakuye utixo.

₄₈Andula apendula ama‐Juda, ati kuye: Asilungisi ukutsho na, ukuba ungum‐Samariya wena, nokuba unedemoni?

₄₉Wati u‐Yesu ukupendula: Andinademoni; koko ndibeka ubawo, nani nidela mna. ₅₀Kodwa andibufuni ubungcwalisa bam; kuko oti afune agwebe. ₅₁Ngokwenene ngokwenene, nditi kuni: Xeshekweni umntu aligcina ilizwi lam, akasayi kubona ukufa napakade.

₅₂Andula ati kuye ama‐Juda: Kaloku siyazi ukuba unedemoni. U‐Abrahame wafa, kwa nabaprofite; kanti wena uti: Xeshekweni umntu aligcina ilizwi lam, akasayi kuva ukufa napakade, ₅₃umkulu wena yinina kubawo wetu U‐Abrahame, owafayo? kanjalo abaprofite bafa: uyazenza banina wena?

₅₄Wati u‐Yesu ukupendula: Ukuba ndiyazenzela ubungcwalisa mna ngokwam, ubungcwalisa bam abuluto: ngubawo ondenzela ubungcwalisa, eniti nina ngaye u ngutixo wenu. ₅₅Kanti animazanga yena; kodwa mna ndiyamazi: nokuba nditsho ukuti andimazi, ndoba lixoki njengani: koko ndimaziyo, nelizwi lake ndiyaligcina. ₅₆U‐Abrahame uyihlo wenu wagcoba ukuba abe nokubona umhla wam; wawubona ke, wavuya nokuvuya.

₅₇Andula ati ama‐Juda kuye: Akukabi yiminyaka imashumi mahlanu ubudala bako, no‐Abrahame umbonile nje na?

₅₈Wati kuwo u‐Yesu: Ngokwenene, ngokwenene, nditi kuni: Engekabangako u‐Abrahame, ndiko mna.

₅₉Andula acola amatye ukuba amgibisele: kodwa u‐Yesu wafihleka, wapuma etempileni, ecanda pakati kwawo, wadlula njalo ke.