U‐Jobi 1

₁KWAYE kuko indoda elizweni le‐Hutse, igama layo ngu‐Jobi. Indoda leyo ibiyefezekileyo, nelungisayo, neyoyikayo utixo, nepambukayo enkohlakalweni. ₂Kwaye kuzalelwe yona onyana abasixe̔nxe nentombi ezintatu: ₃nemfuyo yayo ibizigusha ezingamawaka asixe̔nxe, nenkamela ezingamawaka matatu, nezibini zenkabi ezingamakulu mahlanu, namaqwaṙashekazi angamakulu mahlanu, nento eninzi kakulu yezicaka: kanjalo indoda leyo ibinkulu kuwo onke amadoda asempumalanga.

₄Kekaloku onyana bayo bahlala besenza izidlo ezindlwini zabanye ngabanye ngemihla yabo; baza batuma bamema odade babo bobatatu, ukuba beze ukutya nokusela nabo. ₅Kwaye kute kwakuba kuzungulezisiwe imihla yezidlo ezo, wandula watuma u‐Jobi wabangcwalisa, wavuka kusasa, wanikela amadini okutshiswa ngenani labo bonke; ngokuba ebesiti u‐Jobi: Kungati onyana bam bonile, bamgxeka utixo ezintliziyweni zabo. Wenje njalo u‐Jobi onke amaxesha lawo.

₆Kwaye kute ngomhla otile, nxa bezayo onyana bakatixo ukuzimisa pambi kwoyehova, weza no‐Satane pakati kwabo. ₇Wayesiti uyehova ku‐Satane: Uvela pina? Wapendula u‐Satane kuyehova, wati: Ekusukasukeni emhlabeni, nasekuhambahambeni kuwo. ₈Waza uyehova wati ku‐Satane: Ugqalile na isicaka sam u‐Jobi, ukuba akuko onjengaye emhlabeni, indoda efezekileyo, elungisayo, eyoyikayo utixo, epambukayo enkohlakalweni? ₉Wapendula u‐Satane kuyehova, wati: Ufumana emoyika utixo na u‐Jobi? ₁₀Akubiyanga na ngokumngqonga, nangokungqonga indlu yake, nangokungqonga konke anako, ngamacala onke? Umsebenzi wezandla zake uwutamsanqele, nemfuyo yake yandile emhlabeni. ₁₁Uz’ uti ke kodwa wolule isandla sako, upate konke anako, waeya kukugxeka ngasebusweni bako. ₁₂Waza uyehova wati kuye u‐Satane: Bona ke, konke anako kusesandleni sako; kupela ungoluli isandla sako pezu kwake. Wasuka wapuma u‐Satane ebusweni bukayehova.

₁₃Kwaye kute ngomhla otile, nxa onyana bake nentombi zake babe besitya, besela nokusela iveyine, endlwini yomkuluwe wabo, yowamazibulo, ₁₄safika isigidimi ku‐Jobi, sati: Inkabi bezipulusha, namaqwaṙashekazi ebesidla ngecala lazo; ₁₅aza ama‐Sheba aziwela, azitimba; nezicaka azibulele ngohlangoti lweṙele; ndikupela mna ndedwa kwosindileyo ukuza kukuxelela. ₁₆Sisateta esi, safika nesinye, sati: Umlilo katixo uwile ezulwini, watshisa igusha nezicaka, wazigqibela; ndikupela mna ndedwa kwosindileyo ukuza kukuxelela. ₁₇Sisateta esi, safika nesinye, sati: Ama‐Kaledine enza amaqela amatatu, agaleleka pezu kwenkamela, azitimba; nezicaka azibulele ngohlangoti lweṙele; ndikupela mna ndedwa kwosindileyo ukuza kukuxelela. ₁₈Sisateta esi, safika nesinye, sati: Onyana bako nentombi zako babe besitya, besela nokusela iveyine, endlwini yomkuluwe wabo, yowamazibulo; ₁₉kekaloku bona ke, umoya omkulu wavela pesheya kwentlango, wabeta imbombo zone zendlu, eyawa pezu kwabatsha abo, bada babuba; ndikupela mna ndedwa kwosindileyo ukuza kukuxelela.

₂₀Wandula wesuka u‐Jobi, waṙazula ingubo yake, wagugula intloko yake, wawa ngasemhlabeni, wabedesha, ₂₁wati: Ndizé ndapuma esizalweni sikama̔, ndizé ndobuyela kona kanjalo: nguyehova obenika, nguyehova ohlutileyo: igama likayehova malibongwe! ₂₂Kuko konke oku akona u‐Jobi; akamnika utixo ubudenge kanjalo.