U‐Jobi 18

₁WABUYA wapendula u‐Biledadi um‐Shuha, wati:

₂Kwoda kube ninina niya kwenzela amazwi isipelo? telekelelani, size sandule ukuteta. ₃Yinina ukuba sibalwe ngokungati sizizilo, nokuba sibe ngabanco̔lileyo emehlweni enu? ₄Wena, lowo uziṙuzulayo ngengqumbo yake! kwoshiywa umhlaba ngenxa yako na? kwokweleliswa iliwa endaweni yalo na?

₅Ewe, ukukanya kwabakohlakeleyo kuya kucinywa; ilangatye lomlilo wake aliyi kukazimla. ₆Ukukanya kwoba bumnyama ententeni yake; nesibane sake pezulu kwake siya kucinywa. ₇Amanyatela amandla ake aya kuxinwa; elake icebo lomeyelisa. ₈Ngokuba eya kuwiselwa elutanjeni ngenyawo zake; wohamba ngokwake pezu kwesisinga. ₉Isibata somti ṙintyi ngesitende; umgibe uya kumbamba. ₁₀Intambo yawo ifihlelwe emhlabeni, nenqambu yawo pezu kwendlela. ₁₁Izoyikiso ziya kumtusa ngamacala onke, zimsabise ngenyawo zake. ₁₂Amandla ake olanjiswa; nentshabalaliso yoba ilungile ngecala lake. ₁₃Yodla imisipa yentlonze yake; owamazibulo wokufa wodla izito zake. ₁₄Itemba lake liya kuncotulwa ententeni yake; waeya kuhanjiselwa kukumkani wezoyikiso. ₁₅Zohlala ententeni yake, ize ingabi yeyake; isufure iya kutshizwa pezu kwekaya lake. ₁₆Ngapantsi ingcambo zake ziya kwoma; ngapezulu amasebe ake onqanyulwa. ₁₇Inkunjulwa yake iya kububa elizweni; akayi kuba negama nangapandle kwalo. ₁₈Baya kumcita ekukanyeni aye ebumnyameni, bamgxote emhlabeni omiwayo. ₁₉Akuyi kubako nyana kuye nesalamane pakati kwabantu bake; akuyi kubako noseleyo emizini yake. ₂₀Abasemva bati nqa pezu kwomhla wake, nabapambili babanjwa kukuhlatyuzela. ₂₁Okunene zinjalo intlalo zolimenemene; injalo ke indawo yake ongamaziyo utixo.