U‐Jobi 36

₁WALEKELA u‐Elihu wati:

₂Ndihlalele kancinane, ndandiya kukutyela; ngokuba kuseko amazwi ngenxa katixo. ₃Ndiya kuzeka ukwazi kwam kwa kude; nakuye umenzi wam ndiya kunika ubulungisa. ₄Ngokuba ngenyaniso amazwi am akabuxoki: ofezekileyo ngokwazi unawe.

₅Bona ke, utixo umkulu, kanti akadeli; umkulu ngamandla engqondo. ₆Akayi kupilisa okohlakeleyo; nebango lababandezelweyo wolinika. ₇Akawasusi kwabalungileyo amehlo ake; nakunye nokumkani eteroneni, uyabahlalisa ngonapakade, bapakanyiswe ke. ₈Naxeshekweni benxityiwe ngemixokolelwane, babanjwa ngentambo zembandezelo; ₉uyandula abazise isenzo sabo, nezigqito zabo, ukuba benze nger̔atshi; ₁₀nendlebe zabo uyazityilela ululeko, axele ukuba mababuye enkohlakalweni. ₁₁Ukuba bayeva, bakonze nokukonza, bogqiba imihla yabo ebutamsanqeni, neminyaka yabo eziyolweni. ₁₂Kanti ukuba abeva, baya kububa ngomkonto, baqauke bengenakwazi. ₁₃Kwa njalo abaginwa ngentliziyo bayabekela ingqumbo; abakali akuba ebanxiba. ₁₄Kwofa umpefumlo wabo ebutsheni, nobomi babo pakati kwabanco̔lileyo.

₁₅Uyahlangula olusizi ngosizi lwake, nendlebe zabo uyazityila ngembandezelo. ₁₆Nawe ke ebeya kukur̔ola esixingweni, ukuya endaweni ebanzi ekungeko kuxinana kuyo; nento ebekwa esitebeni sako ibiya kuzala bunqata. ₁₇Kodwa uzalisile ityala lokohlakeleyo: ityala nomgwebo ziyakubamba. ₁₈Ngokuba kuko umsindo, lumka hleze akususe ngesibeto: oko isizi esikulu asiyi kukusindisa. ₁₉Wobuka indyebo yako na? Nakanye; akabuki igolide, nawo onke amandla obutyebi. ₂₀Unganxameli ubusuku, apo abantu babutelwa endaweni yabo. ₂₁Lumka, ungabeki enkohlakalweni; ngokuba le uyinyulile pezu kwobunzima.

₂₂Bona ke, utixo uyazipakamisa emandleni ake: ngubanina ofundisayo njengaye? ₂₃Ngubanina ompatisileyo indlela yake? ngubanina notshilo ukuti: Ubenzile ubumenemene? ₂₄Kumbula ukuba uwuzukise umsebenzi wake, lowo abantu bawubencabencayo. ₂₅Uluntu lwonke luyawubonela; umntu uyakangela ekude. ₂₆Bona ke, utixo umkulu, asimazi; inani leminyaka yake, lona alinakupengululwa. ₂₇Ngokuba ewanyusa amatontsi amanzi; ayagalela imvula ngenkungu yake; ₂₈leyo amazulu ayicintsayo; ayatontsela pezu kwabantu ngento eninzi. ₂₉Kanjako kuko na ongaqondayo ukutwabuluka kwelifu, ukudywaba kwentente yake? ₃₀Bona ke, uyatwabulula ukukanya kwake pezu kwalo, namazantsi olwandle uyawagubungela. ₃₁Ngokuba ngazo ezizinto egweba izizwe, enika ukutya ngokuninzi. ₃₂Izandla zake uyazigubungela ngombane, awuyalezele apo aya kuwela kona. ₃₃Ududumo lwake luyaxela ngaye; kwinkomo luyaxela kwa ngako okunyukayo.