U‐Jobi 5

₁Kaubize ke, ukuba kuko oya kusabela kuwe; nakuwupina kwabazingcwele uya kubeka? ₂Ngokuba olihilihili ingqumbo imbulala, noliyilo umona uyamfisa. ₃Ndibonile mna ihilihili lisendelisa ingcambo; kodwa ndahla ndaqalekisa ikaya lalo. ₄Abantwana balo bakude ekwonwabeni; boncinezelwa esangweni, kungeko umhlanguli: ₅elisivuno olambileyo uya kusidla, esisusa nasemaveni; nobutyebi babo umtiyeli ubunxamele.

₆Nakuba ububi bungaveli elutulini, nobunzima bungahlumi emhlabeni; ₇koko uluntu luzalelwayo ubunzima, njengokuba intlantsi zibalekela pezulu; ₈ngendifuna kutixo mna noko, nakuye utixo ngendibekela indawo yam: ₉ozenzayo izinto ezinkulu, ezingenakupengululwa; izinto ezimangalisayo, ezingenakubalwa; ₁₀onisa imvula pezu kwomhlaba, okupa amanzi pezu kwezindle: ₁₁ukuba abeke pezulu abatotyiweyo; bati abalilayo bapakanyiselwe ekwonwabeni. ₁₂Uyatshitshisa amaqinga abanamaqokolo, zide izandla zabo zingafezi nanto bayenzayo. ₁₃Uyabamba amalumko ngobawo ubuqokolo; necebo labajikayo linxamile. ₁₄Emini bayafumanana nobumnyama; nanjengasebusuku, bayaputaputa emini enkulu. ₁₅Kodwa uyamsindisa eṙeleni, emlonyeni wabo, nasesandleni sowomeleleyo, osweleyo. ₁₆Ngako kuko itemba kwihlwempu, iti inkohlakalo ivingce umlomo wayo.

₁₇Bona ke, unetamsanqa umntu owohlwaywa ngutixo; ngako ukubeta kwosomandla ungakudeli. ₁₈Ngokuba etutumbisa, abuye abope; uyalimaza, ziti izandla zake zipolise. ₁₉Ezimbandezelweni zintandatu uya kukusindisa; nakwezisixe̔nxe ububi abuyi kukupata. ₂₀Ekulambeni uya kukukulula ekufeni; nasemfazweni wokukulula emandleni eṙele. ₂₁Esibetweni solwimi uya kuzimela; akuyi kwoyika ingcitakaliso yakutika. ₂₂Ingcitakaliso nendlala wohleka ngazo; namaṙamncwa omhlaba akuyi kwoyika wona: ₂₃ngokuba luya kuba namatye asendle ucebano lwako; nezilo zasendle ziya kuxolana nawe. ₂₄Kanjalo uya kukwazi ukuba iseluxolweni intente yako; wauya kubonela kwiṙiwa lako, ungalahleki nto. ₂₅Uya kukwazi kanjako ukuba inzalo yako yoba ninzi, nabazukulwana bako njengenca yomhlaba. ₂₆Woza unobudala obuzeleyo encw̔abeni, njengokubutwa kwesita senqolowa ngexesha laso.

₂₇Bona ke oku, sikupengulule, kunje nje; kuve ke, uzazele wena.