U‐Jona 2

₁Wandula u‐Jona watandaza kuyehova, utixo wake, esesiswini sentlanzi, wati:

₂Ndabiza ngenxa yokubandezelwa kwam kuyehova, wandipendula ke; ndadanduluka ndisembilini wehadesi, waliva wena ilizwi lam. ₃Wabundilahlela enzulwini, kwa pakati kwelwandle; wandingqonga umsinga; zadlula pezu kwam onke amaza ako nengqengqeleko zako. ₄Ndaza ndati: Sendigxotiwe kwa pambi kwamehlo ako; noko, ndobuya ndikangele ngasetempileni yako engcwele. ₅Amanzi andiṙaula ada angena empefumlweni; inzulu yandipahla; ukula lwabotshwa entloko yam. ₆Ndehlela emazantsi entaba; umhlaba imivalo yawo ibindingqonga ngonapakade: kodwa unyusile ubomi bam ekuboleni, Yehova, Tixo wam! ₇Nxa umpefumlo wam ubucubukile pakati kwam, ndamkumbula uyehova; yati intandazo yam yeza kuwe, kuyo itempile yako engcwele. ₈Abo babeka izinto ezingendawo zobuxoki, bayashiya ububele babo. ₉Mna kodwa ndobingela kuwe ngelizwi lokubulela: oko endibambisile ngako ndiya kufeza kona: usindiso lo lukayehova.

₁₀Wati uyehova wateta kwintlanzi, yaza yamhlanza u‐Jona pezu kwomhlaba owomileyo.