Ivangeli ka‐Mateyu 16

₁BAZA bafika abafarisi nabasadusi bemlinga, bacela kuye ukuba makababonise umqondiso uvela ezulwini. ₂Koko wapendula wati kubo: kwakuba kuhlwile niti: Kwobako ukuzola; ngokuba izulu libomvu. ₃Kanjalo kwakusa niti; Namhla kwobako uqwitela; ngokuba izulu libomvu lisibekela. Zihanahanisindini! ukubonakala kwezulu okunene niyazi ukukuqiqa; kodwa aningeyiqiqe na imiqondiso yalamaxesha? ₄Isizukulwana esikohlakeleyo nesibuṙexeza siyafuna umqondiso; kanti asiyi kunikwa mqondiso, kupela umqondiso ka‐Jona umprofite. Waza wabashiya, wemka.

₅Kekaloku bakufika abadisipile bake ecaleni elingapesheya, bebelibele ukutabata nabo izonka. ₆Wayesiti u‐Yesu kubo: Lumkani nilumkele igwele labafarisi nabasadusi. ₇Baza bapikisana omnye nomnye, besiti: Utsho, ngokuba singatabatanga nati izonka. ₈Wayekwazi oku u‐Yesu, wati kubo: Yinina ukuba nipikisane omnye nomnye, nina balukolo luncinane! ngokuba ningatabatanga nani izonka? ₉Anikaqondi na, anizikumbuli na kanjalo izonka ezihlanu zamawaka amahlanu, nezitya enazicolayo ukuba zingapina? ₁₀kwa nezonka ezisixe̔nxe zamawaka amane, nengobozi enazicolayo ukuba zingapina? ₁₁Yinina lento ningaqondi ukuba bekungengaso isonka endatshoyo kuni ukuti manilumkele igwele labafarisi nabasadusi? ₁₂Bandula baqonda ukuba akatshongo ukuti mabalumkele igwele lesonka, kodwa mabalumkele imfundiso yabafarisi nabasadusi.

₁₃Kekaloku akufika u‐Yesu ezahlulweni zase‐Kesareya‐filipi, wabuza kubadisipile bake, esiti: Ngubanina abati abantu ndinguye, mna nyana wesintu? ₁₄Baye besiti: Bati inxenye ngu‐Johane umbapitizeshi; bati abanye ngu‐Elija; bati abanye ngu‐Jeremiya, umhlaumbi ngowabaprofite. ₁₅Wati kubo: Kodwa ngubanina eniti nina ndinguye? ₁₆Wapendula u‐Simone Petrosi wati: Wena unguye u‐Kristu, unyana katixo ohleliyo. ₁₇Waza wapendula u‐Yesu wati kuye: Unetamsanqa, Simone, Bara‐jona! ngokuba ingeyiyo inyama negazi ekutyileleyo oku, ngubawo osezulwini. ₁₈Kanjalo nam nditi kuwe: Wena ungu‐Petrosi, ndandiya kuyaka pezu kwolulwalwa iṙemente yam, ati amasango ehadesi angayoyisi. ₁₉Ndandiya kunika kuwe izilotile zobukumkani bezulu; yoti into usukuba uyinxiba emhlabeni inxitywe ezulwini; yoti into usukuba uyikulula emhlabeni ikululwe ezulwini. ₂₀Wandula wabayala abadisipile bake, ukuba mabangaxeleli mntu ukuba ungu‐Yesu u‐Kristu.

₂₁Emveni kwoko waqala u‐Yesu ukubonisa abadisipile bake okokuba ufanele ukumka aye e‐Yerusaleme, nokuva intlungu ezininzi ngabo abadala nabaperisite abakulu nababa̔li, nokubulawa, nokuvuswa ngomhla wesitatu. ₂₂Waza u‐Petrosi wamtabatela kuye waqala ukumtetisa, esiti: Mawenzelwe ufefe, Nkosi! lento ayisayi kubako kuwe. ₂₃Koko wajika wati ku‐Petrosi: Yiya emva kwam, Satane! usisixakaniso kum; ngokuba unganyamekeli izinto zikatixo, unyamekela izinto zabantu nje. ₂₄Wandula u‐Yesu wati kubadisipile bake: Ukuba umntu uyafuna ukuza emva kwam, makazikanyeze, apate ikuruse yake, andilandele. ₂₅Ngokuba lowo usukuba efuna ukulondoloza ubomi bake, buya kumlahleka; nosukuba elahlekana nobomi bake ngenxa yam, wobufumana. ₂₆Ngokuba uncedwa nto nina umntu, ukuba ilizwe lonke walizuza, nompefumlo wake walahlekelwa nguwo? kanjalo uya kunika nto nina umntu ibe lixabiso elilingana nawo umpefumlo wake? ₂₇Ngokuba unyana wesintu eya kuza ebungcwaliseni boyise kunye nengelosi zake; waeya kwandula ukuvuza abanye ngabanye ngokwokwenza kwabo. ₂₈Ngokwenene nditi kuni: Bako inxenye yabemiyo apa, abangasayi kuva ukufa, bade babone unyana wesintu esiza ebukumkanini bake.